దోహా: ఈద్ అల్ అదా 2023 సందర్భంగా లుసైల్ బౌలేవార్డ్‌లో ప్రత్యేక కార్యక్రమాలను నిర్వహించనున్నట్లు ఖతారీ దియార్, లుసైల్ సిటీ ప్రకటించాయి. ఈద్ మొదటి రోజు అయిన జూన్ 28న నిర్వాహకులు అన్ని వయసుల వారి కోసం ప్రత్యేక కార్యకలాపాలను ప్లాన్ చేసారు. అల్ సాద్ స్క్వేర్‌లో రాత్రి 8:30 గంటలకు ప్రారంభమయ్యే అద్భుతమైన బాణాసంచా ప్రదర్శన నిర్వహించనున్నట్లు వెల్లడించారు. ఈద్ అలంకరణలు, ప్రత్యేక లైటింగ్‌లు జూలై 5 వరకు ఉంటాయని, నగరం అంతటా పండుగ ప్రకంపనలు చాలా రోజుల పాటు విస్తరిస్తాయని ప్రకటన పేర్కొంది. నిర్వాహకులు ఈ అద్భుతమైన ఈవెంట్‌కు హాజరుకావాలని,  లుసైల్ సిటీలో మరియు చుట్టుపక్కల ఉన్న రెస్టారెంట్‌లు, కేఫ్‌లలో స్పెషల్ డిషెస్ ను ఆస్వాదించాలని ప్రజలను ఆహ్వానించారు.