మాస్ కా దాస్ విశ్వక్ సేన్ తాజా సినిమాకి ‘గ్యాంగ్స్ ఆఫ్ గోదావరి’ అనే టైటిల్ ఫిక్స్ చేశారు. కృష్ణ చైతన్య దర్శకత్వంలో తెరకెక్కబోయే ఈ సినిమాని కోనసీమ బ్యాక్ డ్రాప్‌లో తెరకెక్కించబోతున్నట్లు తెలుస్తోంది.

ముఖ్యంగా ఆంధ్ర ప్రదేశ్‌లోని ఇసుక మాఫియా కథాంశంగా ఈ సినిమా వుండబోతోందని మాట్లాడుకుంటున్నారు. ‘డీజె టిల్లు’ హీరోయిన్ నేహా శెట్టి ఈ సినిమాలో విశ్వక్ సేన్‌తో జోడీ కడుతోంది.

కాగా, తాజాగా రిలీజ్ చేసిన ఫస్ట్ లుక్ పోస్టర్, గ్లింప్స్‌కి మంచి రెస్పాన్స్ వస్తోంది. ఇంతవరకూ విశ్వక్ చేసిన సినిమాలన్నీ ఓ ఎత్తు.. ‘గ్యాంగ్స్ ఆఫ్ గోదావరి’ ఇంకో ఎత్తు.. అనేలా ఈ సినిమా వుండబోతోందనీ తెలుస్తోంది. ‘దాస్ కా ధమ్కీ’ అంటూ ఇటీవల ఓ మోస్తరు హిట్ తన ఖాతాలో వేసుకున్న విశ్వక్ సేన్, ఈ సారి ఏం మ్యాజిక్ చేయబోతున్నాడో చూడాలి మరి.