ఈ మధ్య సినిమా టైటిల్స్‌లో వారాలను బాగా వాడేస్తున్న సంగతి తెలిసిందే. మొన్న ‘మంగళవారం’ అనే సినిమా జనాల నోళ్లలో బాగా నానింది.

ఇప్పుడు నాని హీరోగా ‘సరిపోద్దా శనివారం’ అనే టైటిల్‌తో సినిమా రాబోతున్న సంగతి తెలిసిందే. మొన్నా మధ్య ఈ సినిమా టైటిల్ రిలీజ్ చేసి అందర్నీ ఆశ్చర్యపరిచింది చిత్ర యూనిట్.

వివేక్ ఆత్రేయ దర్శకత్వంలో తెరకెక్కుతోన్న ఈ సినిమాని డివివి దానయ్య ప్రతిష్టాత్మకంగా నిర్మిస్తున్నారు.

తాజాగా ఈ సినిమా డిస్ట్రిబ్యూషన్ వివరాలను వెల్లడిస్తూ ఓ కొత్త పోస్టర్ రిలీజ్ చేశారు. దిల్ రాజు ఏపీ, తెలంగాణా‌ల్లో ఈ సినిమాని లార్జ్ స్కేల్‌లో డిస్ట్రిబ్యూట్ చేయనున్నారు.

కాగా, లేటెస్ట్ పోస్టర్‌లో సంకెళ్లతో బంధించబడిన నాని గట్టిగా అరుస్తూ.. కనిపిస్తున్నాడు. బ్యాక్ గ్రౌండ్‌లో భగ భగలాడే మంటలు కనిపిస్తున్నాయ్.

పోస్టర్ చూస్తుంటే ఇదేదో కాన్సెప్ట్ బేస్ మూవీలానే అనిపిస్తోంది. అదీ కాక, వివేక్ ఆత్రేయ సినిమాల్లో ఏదో కొత్త విషయం దాగుంటుంది. ‘అంటే సుందరానికి’ సినిమా ఎక్కడో తేడా కొట్టింది కానీ.! ఈ సారి సరిపోద్దా..శనివారం అంటూ..  ఫ్యాన్స్‌కి సరిపడా ట్రీట్ ఇచ్చేలానే వున్నాడాయన. చూడాలి మరి.