యూఏఈ: యూఏఈలో మొదటిసారిగా దుబాయ్ ప్రాపర్టీ డెవలప్‌మెంట్ అండ్ మేనేజ్‌మెంట్ కంపెనీ అద్దెదారులను ఎంపిక చేయడానికి ప్రత్యేకమైన వేలం విధానాన్ని అవలంబిస్తోంది. అద్దెదారులు నివసించడానికి భవనాలను ఎంచుకునే సంప్రదాయ పద్ధతికి భిన్నంగా చేపట్టిన ఈ విధానం రియల్ ఎస్టేట్ ల్యాండ్‌స్కేప్‌లో చర్చనీయాంశంగా మారింది. ఆదివారం ఆల్ఫాబెటా ప్రాపర్టీస్ తన నివాస ప్రాజెక్ట్ M77ను మైడాన్ అవెన్యూలో ప్రారంభించింది. 1, 2 మరియు 3 బెడ్‌రూమ్‌లతో కూడిన 77 అపార్ట్‌మెంట్‌లను కలిగి ఉన్న ఈ విలాసవంతమైన భవనం డౌన్‌టౌన్ మరియు బుర్జ్ ఖలీఫా వ్యూని అందిస్తుంది. అద్దెలు విస్తీర్ణాన్ని బట్టి Dh105,000 నుండి Dh150,000 -350,000 మధ్య ఉన్నాయి. ఆల్ఫాబెటా ప్రాపర్టీస్‌పై ఆన్‌లైన్ వేలం జనవరి 21న ప్రారంభమైందని డెవలపర్లు ప్రకటించారు. రెండు వారాల పాటు వేలం కొనసాగుతుంది. ఆసక్తి గల అభ్యర్థులు నమోదు చేసుకోవాలని, షార్ట్‌లిస్ట్ అనంతరం వ్యక్తిగతంగా ప్లాట్ లను సందర్శించే అవకాశం కల్పిస్తామని ఆల్ఫాబెటా ప్రాపర్టీస్ వ్యవస్థాపకుడు అల్ షైబానీ తెలిపారు.