రియాద్: మానవ వనరులు మరియు సామాజిక అభివృద్ధి మంత్రిత్వ శాఖ రెండవ దశ కన్సల్టింగ్ సేవల వృత్తుల సౌదైజేషన్ మార్చి 25 నుండి అమల్లోకి వచ్చిందని ప్రకటించింది. రెండవ దశ కన్సల్టింగ్ సేవలకు సంబంధించిన 40 శాతం వృత్తులను కవర్ చేస్తుందని తెలిపింది. ముఖ్యంగా ఫైనాన్షియల్ కన్సల్టింగ్, ఇంజనీరింగ్, ఆర్కిటెక్చరల్ కన్సల్టింగ్, హెల్త్ కన్సల్టింగ్ మరియు సీనియర్ మేనేజ్‌మెంట్ కన్సల్టింగ్ రంగాలకు ఉద్దేశించినదని పేర్కొంది. సౌదీ అరేబియాలోని వివిధ ప్రాంతాల్లోని పౌరులకు ఉద్యోగ అవకాశాలను కల్పించే లక్ష్యంతో మంత్రిత్వ శాఖ చేస్తున్న ప్రయత్నాలలో ఇది భాగంగా ఉందని వెల్లడించింది. రెండవ దశలో కన్సల్టింగ్ సేవల సౌదైజేషన్ కింద వచ్చే ప్రధాన వృత్తులలో ఫైనాన్షియల్ కన్సల్టింగ్ స్పెషలిస్ట్, బిజినెస్ కన్సల్టింగ్ స్పెషలిస్ట్, సైబర్ సెక్యూరిటీ కన్సల్టింగ్ స్పెషలిస్ట్, మేనేజర్ ఆఫ్ ప్రాజెక్ట్ మేనేజ్‌మెంట్, అలాగే ప్రాజెక్ట్ మేనేజ్‌మెంట్ ఇంజనీర్ మరియు ప్రాజెక్ట్ మేనేజ్‌మెంట్ స్పెషలిస్ట్ ఉన్నారని మంత్రిత్వ శాఖ వెల్లడించింది. లేబర్ మార్కెట్‌లో సౌదీల భాగస్వామ్య స్థాయిని పెంచడం కోసం ఈ వృత్తుల సౌదైజేషన్ రెండవ దశను అమలు చేయనున్నట్లు మంత్రిత్వ శాఖ తెలిపింది.