రియాద్: పర్యావరణ సుస్థిరత పట్ల తన నిబద్ధతను మరోసారి చాటిచెప్పింది. సౌదీ అరేబియా మార్చి 27ని వార్షిక సౌదీ గ్రీన్ ఇనిషియేటివ్ డేగా ప్రకటించింది. ఈ రోజు ప్రతిష్టాత్మకమైన సౌదీ గ్రీన్ ఇనిషియేటివ్ (SGI)కి అనుగుణంగా మరింత స్థిరమైన భవిష్యత్తును సాధించే దిశగా రాజ్యమంతటా అవగాహనను పెంపొందించనున్నారు.  "ఫర్ అవర్ టుడే అండ్ దేర్ టుమారో: KSA టుగెదర్ ఫర్ ఎ గ్రీన్నర్ ఫ్యూచర్" అనే థీమ్ తో సౌదీ గ్రీన్ ఇనిషియేటివ్ డే ని జరుపుకోనున్నారు.  #ForAGreenerSaudi అనే హ్యాష్‌ట్యాగ్‌తో సోషల్ మీడియాలో పచ్చని సౌదీ కోసం ప్రచారం నిర్వహిస్తున్నారు. మొదటి సౌదీ గ్రీన్ ఇనిషియేటివ్ డే వేడుకలు గ్రీన్ ఎకానమీలో SR705 బిలియన్ల కంటే ఎక్కువ పెట్టుబడితో 80కి పైగా కార్యక్రమాలను నిర్వహించినట్లు వెల్లడించింది. ఇప్పుడు సౌదీ అరేబియాలో 18.1% భూమి మరియు 6.49% సముద్ర పరిసరాలతో రక్షిత భూమి, సముద్ర ప్రాంతాల పెంపుదలన చేపట్టారు. మార్చి 27, 2021న క్రౌన్ ప్రిన్స్ మరియు ప్రధాన మంత్రి మహమ్మద్ బిన్ సల్మాన్ ప్రారంభించిన సౌదీ గ్రీన్ ఇనిషియేటివ్.. రాజ్య సుస్థిరత ప్రయత్నాలను ఏకం చేయడానికి,  మెరుగుపరచడానికి ఒక సమగ్ర ఫ్రేమ్‌వర్క్‌గా పనిచేస్తుంది.