యూఏఈ: షార్జాలోని అధికారులు ఎమిరేట్‌లోని అజాన్ (ప్రార్థనకు పిలుపు)లో మార్పులు చేసినట్లు ఆన్‌లైన్‌లో వ్యాపిస్తున్న పుకార్లను ఖండించారు. ఈ మేరకు షార్జా ప్రభుత్వ మీడియా కార్యాలయం ఒక ప్రకటన విడుదల చేసింది.  సమాచారాన్ని షేర్ చేసే సమయంలో ఖచ్చితత్వం మరియు విశ్వసనీయతకు ప్రాధాన్యత ఇవ్వాలని కోరింది. కమ్యూనిటీ సభ్యులు మూలాధారాలను ధృవీకరించడానికి, పుకార్లు వ్యాప్తి చెందకుండా చూడాలని కోరారు. షార్జా మతపరమైన సూత్రాల పట్ల నిబద్ధతలో స్థిరంగా ఉందని, రాజీపడని ప్రధాన ప్రాధాన్యతలను పరిగణనలోకి తీసుకుంటుందని ప్రకటనలో పేర్కొన్నారు. 

పుకార్లను నిరోధించే చట్టం

పుకార్లు మరియు తప్పుడు వార్తల వ్యాప్తికి సంబంధించి యూఏఈ కఠినమైన చట్టాలను కలిగి ఉంది. ఫెడరల్ డిక్రీ-లా నంబర్ 34 2021లోని ఆర్టికల్ 52 ప్రకారం, అధికారిక వర్గాలు ప్రచురించిన వార్తలకు విరుద్ధంగా తప్పుడు వార్తలు, పుకార్లు లేదా తప్పుదారి పట్టించే సమాచారాన్ని ప్రచురించడానికి, ప్రసారం చేయడానికి లేదా వ్యాప్తి చేయడానికి ఇంటర్నెట్‌ను ఉపయోగించే ఎవరైనా కనీసం జైలు శిక్షతోపాటు Dh100,000 జరిమానా విధించబదుతుంది.  తప్పుడు వార్తలు లేదా పుకార్లను ప్రచురించడం చేసిన వ్యక్తికి కనీసం రెండేళ్ల జైలు శిక్ష మరియు 200,000 దిర్హామ్ జరిమానా విధించబడుతుంది.