రుచికి చేదుగా అనిపించే మెంతులు ఆరోగ్యానికి చాలా మంచివి. ముఖ్యంగా డయాబెటిస్ పేషెంట్ల పాలిట మెంతులు ఓ వరమనే చెప్పాలి.

నానబెట్టిన మెంతుల్ని ప్రతీరోజూ తీసుకుంటే రక్తంలో చక్కెర స్థాయులు అదుపులో వుంటాయ్. అంతేనా.! కేవలం డయాబెటిస్ పేషెంట్లకు మాత్రమే కాదండోయ్.
మెంతుల్ని ప్రతీరోజూ తీసుకుంటే ఎటువంటి వారికైనా ఆరోగ్య ప్రయోజనాలు అనేకం. అవేంటో ఇప్పుడు తెలుసుకుందాం.

ప్రతీరోజూ ఓ గుప్పెడు మెంతులు నానబెట్టిన వాటర్‌ని పరగడుపునే తాగితే రోగ నిరోధక శక్తి పెరుగుతుంది. మెంతుల్లో ఫైబర్ కంటెంట్ చాలా ఎక్కువ.

అందుకే మల బద్దకం, అజీర్తి సమస్యలున్న వారు ప్రతీరోజూ క్రమం తప్పకుండా మెంతుల వాటర్ తాగితే ఆ సమస్యలకు ఇట్టే పరిష్కారం దొరుకుతుందని నిపుణులు చెబుతున్నారు.

అలాగే, మెంతుల్లో యాంటీ ఆక్సిడెంట్లు కూడా ఫుష్కలంగా వుంటాయ్. అందుకే వీటిని ప్రతీరోజూ డైట్‌లో భాగం చేసుకోవడం వల్ల రకరకాల ఇన్ఫెక్షన్ల బాధ నుంచి తప్పించుకునే అవకాశాలుంటాయ్.