‘ఫ్యామిలీ స్టార్’ మూవీతో ఇటీవల ప్రేక్షకుల్ని మెప్పించిన విజయ్ దేవరకొండ కొత్త కాన్సెప్ట్‌కి ఓకే చెప్పాడు. కోలా రవి కిరణ్ అనే కొత్త డైరెక్టర్ చెప్పిన కథ విజయ్ దేవరకొండకు నచ్చడంతో ఆ కథకు వెంటనే ఓకే చేశాడు. ప్రస్తుతం నక్కిన త్రినాధ రావుతో ఓ సినిమా చేస్తున్నాడు విజయ్ దేవరకొండ.

ఈ సినిమాలో పోలీసాఫీసర్ పాత్రలో విజయ్ నటిస్తున్నాడు. అలాగే మరో రెండు ప్రాజెక్టులు కూడా విజయ్ లైన్‌లో పెట్టి వుంచాడు. తాజాగా రవి కిరణ్ దర్శకత్వంలో ఓ సినిమాని అధికారికంగా ప్రకటించాడు.

ఈ సినిమాని దిల్ రాజు తన హోమ్ బ్యానర్‌లో నిర్మిస్తున్నారు. ‘రౌడీ జనార్ధన్’ అనే టైటిల్‌ని పరిశీలిస్తున్నారు ఈ సినిమా కోసం. అలాగే పొలిటికల్ బ్యాక్ డ్రాప్‌లో ఈ సినిమా వుండబోతోందనీ తెలుస్తోంది. పూర్తి వివరాలు మే 9న తర్వాత వెల్లడి చేయనున్నారట.

గతంలో పొలిటికల్ బ్యాక్ డ్రాప్‌లో ‘నోటా’ అనే సినిమా చేశాడు విజయ్ దేవరకొండ. కెరీర్ తొలి నాళ్లలో నటించిన చిత్రమిది. అయితే, అప్పట్లో  ఆ సినిమా జనానికి అంతగా ఎక్కలేదు. మరి, రాబోయే పొలిటికల్ బ్యాక్ డ్రాప్ మూవీ ఎలా మెప్సిస్తుందో.. విజయ్ కెరీర్‌కి ఎంత మేర యూజ్ అవుతుందో చూడాలి మరి.