మస్కట్: సౌత్ అల్ బతినా గవర్నరేట్‌లోని విలాయత్ ఆఫ్ బర్కాలోని ఓ కంపెనీకి చెందిన గోదాములో చెలరేగిన మంటలను సివిల్ డిఫెన్స్ అండ్ అంబులెన్స్ అథారిటీ (సిడిఎఎ) ఆర్పివేసింది. ఈ దుర్ఘటనలో ఎవరూ గాయపడలేదని అధికారులు తెలిపారు. సౌత్ అల్ బతినా గవర్నరేట్ సివిల్ డిఫెన్స్, అంబులెన్స్ డిపార్ట్‌మెంట్ అగ్నిమాపక బృందాలు మరియు మస్కట్ గవర్నరేట్‌లోని సివిల్ డిఫెన్స్ మరియు అంబులెన్స్ డిపార్ట్‌మెంట్‌ సిబ్బంది సంయుక్తంగా బర్కా గిడ్డంగిలో చెలరేగిన మంటలను వేగంగా అదుపు చేశారు. ప్రాణ, ఆస్తుల భద్రతను సంరక్షించడానికి,  భద్రతా అవసరాలకు కట్టుబడి ఉండాలని అథారిటీ సంస్థలు మరియు కంపెనీలకు సూచించింది.