విలక్షణ నటుడు విక్రమ్ సినిమాలకు భాషతో సంబంధం లేకుండా బోలెడంత అభిమానం వుంది. అయితే, ఎందుకో తెలీదు ఆయన సినిమాలు రిలీజ్ కావడం చాలా చాలా కష్టమైపోతోంది ఈ మధ్య.

సినిమా కోసం ప్రాణమే పెట్టేస్తుంటాడు విక్రమ్. అలాగే, ఈ సారి కూడా ప్రాణం పెట్టి చేసిన సినిమా ‘తంగలాన్’. ఈ సినిమాలో విక్రమ్ సాహసాలు చాలా చాలా కొత్తగా వుండబోతున్నాయట. అలాగే, ఆయన గెటప్ కూడా కొత్తగా వుండబోతోందని ఇప్పటికే విడుదలైన ప్రచార చిత్రాల ద్వారా తెలిసింది.

కేజీఎఫ్ (కోలార్ గోల్డ్ మైన్స్)కి సంబంధించి ఓ తెగపై జరిగిన అరాచకాల నేపథ్యంలో ఈ సినిమా తెరకెక్కింది. యదార్ధ సంఘటనల ఆధారంగా ఈ సినిమాకి దృశ్య రూపం ఇచ్చారు. మాళవిక మోహనన్ ఈ సినిమాలో విక్రమ్‌కి జోడీగా నటిస్తోంది.

ఇప్పటికే రిలీజ్ కావల్సిన ఈ సినిమా వాయిదాల మీద వాయిదాలు పడుతూ వచ్చింది. ఎట్టకేలకు మరోసారి రిలీజ్ డేట్ ఫిక్స్ చేసుకున్నట్లు తెలుస్తోంది. జూన్ 13న ‘తంగలాన్’ ప్రపంచ వ్యాప్తంగా రిలీజ్ కానుంది. చూడాలి మరి, ఈ సారైనా చెప్పిన డేట్‌కి వస్తుందో లేదో.!