స్పైస్‌జెట్‌ విమానానికి త్రుటిలో పెను ప్రమాదం తప్పింది. విమానం ల్యాండ్‌ అయ్యే సమయంలో ఒక్కసారిగా టైర్‌ పేలిపోయింది. కోల్‌కతా నుంచి బగ్దోగ్రా (సిలిగురి) వెళ్తున్న విమానంలో ఈ ఘటన చోటు చేసుకుంది. విమానంలో ఉన్న ప్రయాణికులకు ఎటువంటి ప్రమాదం సంభవించలేదని అధికారులు వెల్లడించారు. ప్రయాణికులందరూ క్షేమంగానే ఉన్నారని ఎలాంటి భయాలు పెట్టుకోవద్దని విమానాశ్రయ డైరెక్టర్‌ రాకేశ్‌ సాహై మీడియాకు తెలియజేశారు. ఆ సమయంలో విమానంలో ఎంత మంది ప్రయాణికులు ఉన్నారనే దానిపై అధికారులు ఎటువంటి సమాచారాన్ని అందించలేదు.