ఈ గురువారం సాయంత్రం తెరువబడిన రమదాన్ నైట్ మార్కెట్ సందర్శకులతో కిటకిటలాడింది. పిల్లలను, పెద్దలను ఒకేవిధంగా ఆకర్షించే 300 రీటేల్ ఔట్‌లెట్లను కలిగిఉన్నదీనిని, కేవలం మొదటి అరగంట సమయంలో 1000 మంది వినియోగదారులు ముంచెత్తారు! మిర్రర్ మాన్, లివింగ్ స్ట్యాట్యూ, హాండ్ రైటింగ్ అనాలిసిస్ వంటి అనేక రకాల ఆకర్షణలతో, ఆడవారి కోసం హెన్నా మజ్లిస్ వంటివి, చిన్నారుల కోసం మెర్రీ లాటర్ అండ్ మూజిక్ చక్కని అటవిడుపులే కాకుండా, చవులూరించే 50 ఫుడ్ ఔట్‌లెట్లు కూడా రాత్రంతా సందర్శకులను ఆకర్షిస్తున్నాయి. జువెల్లరీ, గార్మెంట్స్, కాస్మెటిక్స్, ఫర్నిచర్ వంటి షాపింగ్ ఆవన్యూ లలో అతి విస్తారమైన శ్రేణితో అలరిస్తూ సందర్శకుల బేరాలతో ప్రతిధ్వనిస్తోంది. ఇక్కడ కేవలం షాపింగ్ మాత్రమే కాకుండా అన్ని వర్గాల ప్రజలకు వినోదాన్నందించడం ఈ పండుగ ప్రత్యేకత అని సుమనస ఎగ్జిబిషన్‌ ప్రెసిడెంట్ - సునీల్ జైశ్వాల్ విశ్లేషించారు. అంతే కాకుండా ఇక్కడ రీ సైకిల్ ఫర్నిచర్ మార్కెట్ లో, 100% రీ సైకిల్ చేయబడిన పేపర్ తో 20 cm నుండి 40 mt వరకు వ్యాప్తించే ల క్షణం గల పేపర్ ఫర్నిచర్, ఒక టన్ను వరకు బరువును  తట్టుకోగలుగుతుంది; 6 నుండి 8 మంది కూర్చునేవిధంగా అనువుగా ఉంటుంది.

--సి.శ్రీ(దుబాయ్)