అంజీర్ పండ్లు ఆరోగ్యానికి మంచివే. కానీ, అందరికీ సూట్ కావని నిపుణులు చెబుతున్నారు. నిజానికి అంజీర్ పండ్లు చాలా కాస్ట్‌తో కూడుకున్నవి. కానీ, తినడం వల్ల డ్రై ఫ్రూట్స్‌తో వచ్చే ఆరోగ్య ప్రయోజనాలు దక్కుతాయ్.

అయితే, అందరికీ అంజీర్ పండ్లు ఆరోగ్యం కాదని, కొందరికి చాలా అనారోగ్య సమస్యలు తలెత్తుతాయని చెబుతున్నారు. ముఖ్యంగా మైగ్రేన్ సమస్య వున్న వాళ్లు అంజీర్ పండ్లను తినడం వల్ల ఆ సమస్య మరింత ఎక్కువవుతుంది. అందుకు కారణం అంజీర్ ఎక్కువగా తినడం వల్ల సల్ఫేట్ పర్సంటేజ్ ఎక్కువవడం వల్ల మైగ్రేన్ సమస్య వున్న వాళ్లు అస్సలు తినకూడదని చెబుతున్నారు.

అలాగే, కిడ్నీ సమస్యలున్న వాళ్లు, కిడ్నీలో రాళ్లు, పిత్తాశయం, కాలేయ సమస్యలతో బాధపడేవారు అంజీర్ పండ్ల జోలికి అస్సలు పోరాదని చెబుతున్నారు.

అంజీర్ పండ్లలో చక్కెర స్థాయులు ఎక్కువ. అందుకే డయాబెటిస్ వున్నవాళ్లు కూడా అంజీర్ పండ్లను తినకుండా వుంటేనే మంచిది.

ఈ సమస్యలు లేని వాళ్లకు అంజీర్ పండ్లు చాలా ఆరోగ్యకరమైనవి. వీటిలో ఫైబర్ కంటెంట్ పుష్కలంగా వుండడంతో పాటూ, విటమిన్ ఎ,బి,ఇ,కె అధికంగా వుంటాయ్. అలాగే, ఐరన్ మెగ్నీషియం, జింక్ వంటి మూలకాలు కూడా ఎక్కువే. అందుకే డ్రై చేసిన అంజీర్ పండ్లను తినడం మంచిది.