యూఏఈ: యూఏఈలో భారీ వర్షాలు దంచికొడుతున్నాయి. ఫుజైరాలోని ముర్బాద్, మైదక్ ప్రాంతాలలో వడగళ్ళ వర్సాలు కురిసాయి. ఈ మేరకు జాతీయ వాతావరణ కేంద్రం (NCM), తుఫాను కేంద్రం పలు వీడియోలను విడుదల చేసాయి.  రాబోయే రోజుల్లో కొన్ని ప్రాంతాల్లో భారీ వర్షాలు కురుస్తాయని, ఆరెంజ్ అలెర్ట్ జారీ చేసింది.  ఉరుములు, మెరుపులతో కూడిన భారీ వర్షాలు కురుస్తాయని,  ప్రజలు జాగ్రత్తగా ఉండాలని హెచ్చరించారు.  అబుదాబి, దుబాయ్‌లలో ఉష్ణోగ్రతలు 36 డిగ్రీలకు పరిమితం కావచ్చని భావిస్తున్నారు. తూర్పు, ఉత్తర ప్రాంతాల నివాసితులు లోతట్టు ప్రాంతాలకు దూరంగా ఉండాలని NCM సూచించింది.  అత్యవసరమైతే తప్ప డ్రైవింగ్‌కు దూరంగా ఉండాలని వాతావరణ శాఖ నివాసితులను కోరింది.  షార్జా పోలీసులు సోషల్ మీడియా పోస్ట్‌లో వర్షపు వాతావరణంలో డ్రైవింగ్ చేసేటప్పుడు జాగ్రత్త వహించాలని వాహనదారులకు పిలుపునిచ్చారు.