యూఏఈ: యూఏఈలోని మెక్‌డొనాల్డ్స్ అవుట్‌లెట్‌లలో అందిస్తున్న ఆహారంలో ఈ. కోలి బ్యాక్టీరియా ఉందన్న ఆరోపణలపై యూఏఈ అధికారులు క్లారిటీ ఇచ్చారు. మెక్‌డొనాల్డ్స్ అవుట్‌లెట్‌లలో అందిస్తున్న ఆహారంలో ఈ. కోలి బ్యాక్టీరియా లేదని పేర్కొన్నారు. వారి ఆహారం సురక్షితంగా ఉందని పర్యావరణ మంత్రిత్వ శాఖ ఒక పోస్ట్‌లో తెలిపింది. "యుఎఇ రెగ్యులేటరీ అధికారులు అన్ని ఆహార సౌకర్యాలు భద్రత, నాణ్యతా ప్రమాణాలకు అనుగుణంగా ఉండేలా సాధారణ తనిఖీలను కొనసాగిస్తూనే ఉన్నారు." అని పేర్కొంది. అమెరికాలోని మిడ్‌వెస్ట్‌లో మెక్‌డొనాల్డ్స్ ఫుడ్ తిని అస్వస్థతకు గురైన నేపథ్యంలో ఈ మేరకు స్పష్టత ఇచ్చారు.