యూఏఈః యూఏఈ తూర్పు మరియు దక్షిణ ప్రాంతాలలో వర్షాలు కురిసే అవకాశం ఉందని నేషనల్ సెంటర్ ఆఫ్ మెటియరాలజీ (NCM) వెల్లడించింది. ఆకాశం పాక్షికంగా మేఘావృతమై ఉంటుందని, ఉష్ణోగ్రతలు క్రమంగా తగ్గుతాయని పేర్కొంది. సోమవారం ఉదయం కూడా కొన్ని ప్రాంతాలలో వాతావరణం తేమగా ఉంటుందని తెలిపింది. గాలులు తీవ్రత అధికంగా ఉంటుందని తెలిపారు. సముద్రం మీద బలమైన గాలులు వీస్తాయని, దీని వలన ధూళి చెలరేగే అవకాశం ఉందన్నారు. అరేబియా గల్ఫ్లో సముద్రం అల్లకల్లోలంగా ఉంటుందని, ఒమన్ సముద్రంలో కొంచెం నుండి మోస్తరుగా ఉంటుందని తెలిపారు.  దేశంలోని పర్వత ప్రాంతాలలో ఉష్ణోగ్రతలు కనిష్టంగా 19°Cకి పడిపోతాయని, అదే సమయంలో అంతర్గత ప్రాంతాల్లో గరిష్టంగా 36°Cకి చేరుకుంటాయన్నారు. అబుదాబి, దుబాయ్లలో గరిష్టంగా 34 ℃ని నమోదయ్యే అవకాశం ఉందన్నారు.