దుబాయ్‌: దుబాయ్‌లోని బనియాస్ స్క్వేర్‌లోని అనేక మంది నివాసితులు శుక్రవారం నైఫ్ ప్రాంతానికి సమీపంలో ఉన్న హోటల్ నుండి "దట్టమైన, నల్లటి పొగ" కమ్ముకోవడం చూసినట్లు తెలిపారు. రాత్రి 11.55 గంటలకు మంటలు చెలరేగవచ్చని, నిమిషాల వ్యవధిలో అగ్నిమాపక వాహనాలు, అత్యవసర ప్రతిస్పందన బృందాలు సంఘటనా స్థలానికి చేరుకున్నాయని ప్రత్యక్ష సాక్షులు తెలిపారు. హోటల్ అగ్ని ప్రమాదంలో ఊపిరాడక ఇద్దరు మరణించారని దుబాయ్ పోలీసులు తెలిపారు.  

ఈ ఘటనపై పలువురు ప్రత్యక్ష సాక్షులు తమ అనుభవాలను వివరించారు. "నేను అకస్మాత్తుగా అరుపులు విన్నాను" అని సమీపంలోని ఎలక్ట్రానిక్స్ దుకాణాన్ని కలిగి ఉన్న నివాసి చెప్పారు. అతను తన దుకాణాన్ని రాత్రి 11 గంటలకు మూసివేయవలసి ఉంది, కానీ శుక్రవారం కావడంతో, ఎక్కువ మంది కస్టమర్లు రావడంతో తెరిచి పెట్టాడు.  "ఏమి జరుగుతుందో చూడటానికి నేను బయటికి వచ్చాను. వెంటనే తాళం వేయడానికి లోపలికి వెళ్ళాను. కానీ కొద్ది నిమిషాల తర్వాత, అరుపులు తీవ్రమయ్యాయి. రెండు కిటికీల దట్టమైన పొగలు రావడం చూశాను. ప్రజలు ఆ కిటికీల నుండి రక్షించాలని అరుస్తున్నారు." అని అతను చెప్పాడు.

మరొక సాక్షి షరీఫ్ పని ముగించుకొని ఇంటికి నడుచుకుంటూ వెళ్తుండగా.. అగ్నిమాపక వాహనాలు, అంబులెన్స్‌లు,  పోలీసు కార్లు ఆ ప్రాంతం వైపు వావడాన్ని చూసినట్లు తెలిపాడు. హోటల్ కిటికీల నుంచి దట్టమైన పొగలు రావడం కూడా చూశానని షరీఫ్ చెప్పారు. అయితే మంటలు కనిపించడం లేదని ఆయన తెలిపారు. "నేను భవనం వద్దకు వెళ్లినప్పుడు, చాలా కిటికీలు పగలగొట్టబడ్డాయి. పొగలు వెలువడుతున్నాయి" అని షరీఫ్ చెప్పారు. “పోలీసులు, సివిల్ డిఫెన్స్ సిబ్బంది పూర్తి గేర్‌తో భవనంలోకి ప్రవేశించడాన్ని నేను చూశాను. వారు త్వరగా ప్రజలను సురక్షితంగా తరలించారు. వీధుల్లో పెద్ద సంఖ్యలో గుమిగూడారు. నేను అర్ధరాత్రి 12.45 గంటలకు ఇంటికి వెళ్ళాను ”అని అతను చెప్పాడు.