యూఏఈ: రోడ్లపై డ్రైవర్లు ప్రమాదకర రీతిలో విన్యాసాలు చేయడంతో 19 వాహనాలను సీజ్ చేసినట్టు షార్జా పోలీసులు తెలిపారు.రోడ్ల పై ప్రమాదకర విన్యాసాలు చేసి, జీవితాలను పాడు చేసుకోవద్దని, ఇతరుల ప్రాణాలకు హానీ కలిగించవద్దని పోలీసులు కోరారు.  సంబంధిత వాహన డ్రైవర్లపై చట్టపరమైన చర్యలు తీసుకున్నట్లు షార్జా పోలీస్‌లోని ట్రాఫిక్, పెట్రోల్స్ విభాగం డైరెక్టర్ కల్నల్ మహ్మద్ అలై అల్ నక్బీ తెలిపారు. వాహనదారుల ప్రాణాలకు హాని కలిగించే విధంగా డ్రైవింగ్ చేయడం, లైసెన్స్ ప్లేట్లు లేకుండా నడపడం, వాహనం లైసెన్స్ ప్లేట్‌లను కనిపించకుండ చేయడం, అధిక శబ్దం కలిగించే వాహనాన్ని నడపడం వంటి అనేక ఉల్లంఘనలు నమోదు చేసినట్టు తెలిపారు. ఈ ఉల్లంఘనలకు ట్రాఫిక్ చట్టం ప్రకారం 3,000 దిర్హం వరకు జరిమానా, 23 ట్రాఫిక్ పాయింట్లు, 90 రోజుల పాటు వాహనాన్ని జప్తు చేయడంతో పాటు, 20,000 దిర్హాంల వరకు వాటిని విడుదల చేసినందుకు ఫీజులను చెల్లించాల్సి ఉంటుందని హెచ్చరించారు.