రాబిన్ హుడ్ మూవీలో డేవిడ్ వార్న‌ర్‌..

టాలీవుడ్ యంగ్ హీరో నితిన్‌ న‌టిస్తున్న మూవీ రాబిన్ హుడ్‌. వెంకీ కుడుముల ద‌ర్శ‌క‌త్వంలో ఈ చిత్రం తెర‌కెక్కుతోంది. శ్రీలీల క‌థానాయిక‌. మైత్రీ మూవీ మేకర్స్ బ్యానర్‌పై నవీన్‌ యేర్నేని, రవి శంకర్ లు ఈ సినిమాని నిర్మిస్తున్నారు. జీవీ ప్రకాశ్ కుమార్ సంగీతాన్ని అందిస్తున్నారు.

ఇక ఈ చిత్రంలో ఆస్ట్రేలియా మాజీ క్రికెట‌ర్ డేవిడ్ వార్న‌ర్ ఓ కీల‌క పాత్ర‌లో న‌టిస్తున్న‌ట్లు ఎన్నాళ్ల నుంచో వార్త‌లు వ‌స్తున్నాయి. ఈ వార్త‌లే నిజం అయ్యాయి. డేవిడ్ వార్న‌ర్ రాబిన్ హుడ్ మూవీలో న‌టిస్తున్న చిత్ర బృందం అఫీషియ‌ల్‌గా ప్ర‌క‌టించింది. అంతేకాదండోయ్ డేవిడ్ వార్న‌ర్ కు సంబంధించిన లుక్ ను విడుద‌ల చేసింది. ఈ లుక్‌లో వార్న‌ర్ అదిరిపోయాడు.

దీని పై నెటిజ‌న్లు త‌మ‌దైన శైలిలో కామెంట్లు చేస్తున్నారు. మైదానంలో అద్భుతాలు సృష్టించిన వార్న‌ర్ ఇక వెండితెర పై సంచ‌నాల‌ను సృష్టించాల‌ని కోరుకుంటున్నారు.

ఐపీఎల్‌లో స‌న్‌రైజ‌ర్స్ హైదారాబాద్ త‌రుపున డేవిడ్ వార్న‌ర్ చాలా కాలం పాటు ఆడాడు. 2016లో అత‌డి నాయ‌క‌త్వంలోనే ఎస్ఆర్‌హెచ్ ఐపీఎల్ విజేత‌గా నిలిచింది. ఆ త‌రువాత నుంచి ఇప్ప‌టి వ‌ర‌కు ఎస్ఆర్‌హెచ్ మ‌రోసారి క‌ప్పును ముద్దాడ‌లేక‌పోయింది.