మష్రూమ్ ఆమ్లెట్

- March 02, 2018 , by Maagulf
మష్రూమ్ ఆమ్లెట్

కావలసిన పదార్థాలు
 
గుడ్లు - 2, మష్రూమ్స్‌ తరుగు - పావు కప్పు, ఉల్లి, క్యారెట్‌ తరుగు - 2 టేబుల్‌ స్పూన్ల చొప్పున, పచ్చిమిర్చి - 2, కొత్తిమీర తరుగు - 2 టేబుల్‌ స్పూన్లు, చిక్కని పాలు - 2 టేబుల్‌ స్పూన్లు, ఉప్పు - రుచికి సరిపడా. నూనె - 2 టీ స్పూన్లు.
 
తయారుచేసే విధానం
 
ముందుగా పాన్‌లో ఒక స్పూన్‌ నూనె వేడి చేసుకుని అందులో ఉల్లి, పచ్చిమిర్చి, క్యారట్‌ మరియు మష్రూమ్స్‌ తరుగు రెండు నిమిషాలు వేగించి పక్కన పెట్టుకోండి. ఒక గిన్నెలో గుడ్లు, పాలు, ఉప్పు వేసి బాగా గిలకొట్టండి. ఇప్పుడు ఆమ్లెట్‌ పాన్‌లో మిగతా నూనె వేడి చేసుకుని గుడ్ల మిశ్రమాన్ని వేసి సన్నటి సెగపై ఉంచి మూత పెట్టండి. ఆమ్లెట్‌ సగం ఉడికిన తరువాత, మష్రూమ్స్‌ మిశ్రమంతో పాటు కొత్తిమీర చల్లి మూత పెట్టండి. ఆమ్లెట్‌ పూర్తిగా ఉడికిన తరువాత స్టవ్‌ ఆపెయ్యండి. ఈ ఆమ్లెట్‌ను విడిగా కానీ బ్రెడ్‌తో లేదా చపాతీతో కూడా తినవచ్చు.

Click/tap here to subscribe to MAAGULF news alerts on Telegram
   

తాజా వార్తలు

- మరిన్ని వార్తలు

Copyrights 2015 | MaaGulf.com