శరీరంలో కొలెస్ట్రాల్ ఒక స్థాయి వరకు ఉండటం మంచిదే. అయితే.. ఆ కొలెస్ట్రాల్ ఎక్కువ అయితే శరీరానికి ముప్పు పొంచి ఉంటుంది. ప్రస్తుత జీవనశైలి, పొల్యూషన్, అనారోగ్యకర ఆహారపు అలవాట్లతో చాలా మంది అధిక కొలెస్ట్రాల్ సమస్యతో బాధపడుతున్నారు. కొలెస్ట్రాల్ రెండు రకాలు ఉంటుంది. ఒకటి చెడు కొలెస్ట్రాల్ (LDL), రెండు మంచి కొలెస్ట్రాల్ (HDL). మన శరీరంలో చెడ్డ కొలెస్ట్రాల్‌ (ఎల్‌డీఎల్‌) ఎక్కువైతేనే ప్రమాదం. చెడు కొలెస్ట్రాల్‌ ఎక్కువగా ఉంటే.. గుండె జబ్బులు, స్ట్రోక్, గుండెపోటు, హైపర్‌టెన్షన్‌ వచ్చే ప్రమాదం ఎక్కువగా ఉంటుంది.

చెడు కొలెస్ట్రాల్ మన శరీరానికి హానికరం. శరీరంలో చెడు కొలెస్ట్రాల్ స్థాయి పెరిగినప్పుడు, అది సిరల్లో పేరుకుపోవడం ప్రారంభమవుతుంది. ధమనులను అడ్డుకుంటుంది. అలాంటి పరిస్థితుల్లో కొలెస్ట్రాల్ స్థాయిని క్రమం తప్పకుండా తనిఖీ చేయడం చాలా ముఖ్యం. కొలెస్ట్రాల్ పెరిగినప్పుడు, శరీరంలో అనేక రకాల లక్షణాలు కనిపిస్తాయి. కొన్ని భాగాల్లో నొప్పి వస్తుంది. కొలెస్ట్రాల్ పెరిగినప్పుడు శరీరంలోని ఏ భాగాల్లో నొప్పి వస్తుందో తెలుసుకుందాం.

ఛాతీ నొప్పి లేదా ఒత్తిడి అనుభూతి కొలెస్ట్రాల్ యొక్క ప్రధాన, తీవ్రమైన లక్షణాలు కావచ్చు. నిజానికి, గుండె ధమనులలో కొలెస్ట్రాల్ పేరుకుపోవడం వల్ల ఛాతీలో ఒత్తిడి ఏర్పడుతుంది. వాస్తవానికి, కొలెస్ట్రాల్ పెరుగుదల రక్త ప్రవాహానికి ఆటంకం కలిగిస్తుంది. దీని కారణంగా ఆక్సిజన్ ఉన్న రక్తం గుండెకు చేరుకోదు. దీని కారణంగా, ఛాతీ నొప్పి అనిపించవచ్చు. ఇది మండుతున్న అనుభూతిని లేదా బిగుతుగా అనిపించేలా చేస్తుంది. అలాంటి సంకేతాలు గుండెపోటు లేదా కొరోనరీ ఆర్టరీ వ్యాధి (CAD) వల్ల కావచ్చు. ఈ లక్షణాలు తరుచుగా కనిపిస్తే వెంటనే వైద్యుణ్ని సంప్రదించి పరీక్షలు చేయించుకోండి.

శరీరంలో కొలెస్ట్రాల్ స్థాయి పెరిగినప్పుడు కాళ్ళలో నొప్పి, తిమ్మిరి అనిపించవచ్చు. వాస్తవానికి, కొలెస్ట్రాల్ పెరుగుదల కారణంగా, రక్త ప్రసరణ సరిగ్గా జరగదు. ఇది కాళ్ళలో నొప్పి, తిమ్మిరిని కలిగిస్తుంది. కొలెస్ట్రాల్ పెరగడం వల్ల సిరలు, ధమనుల్లో అడ్డంకులు ఏర్పడతాయి. అందుకే రక్త ప్రసరణ జరగదు. కాళ్ళలో నొప్పి, తిమ్మిరి వస్తుంది. అందుకే ఈ లక్షణాలు కనిపించిన వెంటనే వైద్యుణ్ని సంప్రదించండి.

శరీరంలో అధిక కొలెస్ట్రాల్ స్థాయిలు పెరిగితే మెడ చుట్టూ నొప్పి ఉండవచ్చు. నిజానికి, కొలెస్ట్రాల్ పెరిగినప్పుడు.. మొత్తం శరీరం యొక్క రక్త ప్రసరణకు ఆటంకం ఏర్పడుతుంది. దీని కారణంగా మెడ చుట్టూ లేదా దవడ మరియు భుజాలలో అసాధారణ నొప్పి ఉండవచ్చు. ఇది తరచుగా ఉద్రిక్తత లేదా కండరాల నొప్పిలా అనిపిస్తుంది. పదే పదే ఈ లక్షణం కనపడితే డాక్టర్‌ని సంప్రదించి తగిన వైద్య పరీక్షలు చేయించుకోండి.

 కొలెస్ట్రాల్‌కి ఈ విధంగా చెక్ పెట్టండి :

1. మీ ఆహారంలో ప్రతిరోజూ తృణధాన్యాలు, ఆకు కూరలు, తాజా పండ్లను తీసుకోండి. గింజలు, బాదం, వాల్‌నట్‌లు, పిస్తాలు మొదలైన వాటిని తీసుకుంటే మీ ఆరోగ్యానికి మంచిది. బ్రకోలి, బచ్చలి కూర, బెండకాయ, క్యారెట్ వంటి కూరగాయల్ని ఆహారంలో చేర్చుకోండి.

2. అధిక కొలెస్ట్రాల్‌ను పెంచే ఆహారాలకు దూరంగా ఉండండి. కనీస మొత్తంలో వెన్న, నూనె, నెయ్యి, శుద్ధి చేసిన ఆహారాన్ని తినండి. కొవ్వు పదార్ధాలు తినవద్దు. అలాగే ఆహారంలో ఉప్పును తగ్గించాలి. జంతువుల కొవ్వును అస్సలు తినవద్దు.

3. కొలెస్ట్రాల్ స్థాయిల్ని తగ్గించుకోవాలంటే మొదట ఒత్తిడి తగ్గించుకోవడానికి ప్రయత్నం చేయండి. ఇందుకోసం ధ్యానం, యోగా వంటి వాటిని అలవాటు చేసుకోండి. ఈ అలవాట్లు మీ కొలెస్ట్రాల్‌ని తగ్గిస్తాయి. ఉదయం పదినిమిషాల పాటు ప్రాణాయామం చేయడం వల్ల ఒత్తిడి కంట్రోల్‌లో ఉంటుంది.

4. ప్రతిరోజూ 30 నిమిషాలు వ్యాయామం చేసేలా ప్లాన్ చేసుకోండి. కనీసం వాకింగ్, జాగింగ్ వంటి తేలికపాటి వ్యాయామాలైన జీవనశైలిలో భాగం చేసుకోవాలని నిపుణులు సూచిస్తున్నారు.