యూఏఈః యూఏఈలో ఉష్ణోగ్రతలుగరిష్ట స్థాయికి చేరుకున్నాయని ఆ దేశ జాతీయ వాతావరణ కేంద్రం (NCM) తెలిపింది.అల్ ఐన్‌లో 50.1ºC అత్యధిక ఉష్ణోగ్రతలు నమోదు అయినట్లు పేర్కొంది. జూన్ 9న స్వీహాన్‌లో స్థానిక కాలమానం ప్రకారం మధ్యాహ్నం 12.30 గంటలకు ఇది నమోదైందని తెలిపింది. గతంలో జూన్ 9న 50.8ºCగా నమోదైంది. పెరుగుతున్న ఉష్ణోగ్రతల మధ్య నివాసితులు తమ ఆరోగ్యం,  భద్రతకు ప్రాధాన్యత ఇవ్వడానికి జాగ్రత్తలు తీసుకోవాలని కోరారు. తీవ్రమైన ఉష్ణోగ్రతలకు ఎక్కువసేపు గురికావడం వల్ల తీవ్రమైన ఆరోగ్య పరిస్థితులు ఏర్పడవచ్చని, ముఖ్యంగా వృద్ధులు, పిల్లలు, గర్భిణీ స్త్రీలు, దీర్ఘకాలిక అనారోగ్యాలు ఉన్నవారు జాగ్రత్తగా ఉండాలని NCMలోని వాతావరణ శాస్త్రవేత్త డాక్టర్ అహ్మద్ హబీబ్ సూచించారు.