యూఏఈ: షార్జా పోలీసులు అంతర్జాతీయ మాదకద్రవ్య అక్రమ రవాణా కార్యకలాపాలను అడ్డుకున్నారు.  తన భార్య, పిల్లలను ముసుగుగా ఉపయోగించిన వ్యక్తిని అరెస్టు చేశారు. కెనడా, స్పెయిన్ నుండి యూఏఈలోకి మాదకద్రవ్యాలను అక్రమంగా రవాణా చేస్తున్న అంతర్జాతీయ నేరస్థుల నెట్‌వర్క్‌ను నిర్మూలించడంలో భాగంగా చేపట్టిన ఆపరేషన్ సందర్భంగా డ్రగ్ నెట్ వర్క్ ను పోలీసులు ఛేదించారు.  

అధికారులు 131 కిలోల మాదకద్రవ్యాలు,  సైకోట్రోపిక్ పదార్థాలతో కూడిన భారీ సముద్ర రవాణాతో పాటు, 5.35 మిలియన్ల Dhrh విలువైన 9,945 మాదకద్రవ్య పిల్స్ ను స్వాధీనం చేసుకున్నారు. ఈ ఆపరేషన్‌లో ఏడుగురు అనుమానితులను అరెస్టు చేశారు. వీరిలో తన నేర కార్యకలాపాలను కప్పిపుచ్చడానికి కుటుంబ సభ్యుడిగా వ్యవహరించిన కీలక అరబ్ నిందితుడు కూడా ఉన్నాడని అధికారులు తెలిపారు.   

కెనడాలోని టొరంటో పోర్ట్ నుండి స్పెయిన్‌లోని మలగా వరకు,  చివరడి యూఏఈ పోర్ట్ వరకు విస్తరించి ఉన్న అధునాతన స్మగ్లింగ్ మార్గాన్ని కూడా అధికారులు గుర్తించారు.  అక్కడ కారు విడిభాగాల కంటైనర్‌లో దాచిన షిప్‌మెంట్‌ను సీజ్ చేశారు.  అనుమానితులను న్యాయ అధికారులకు అప్పగించినట్లు తెలిపారు.