మస్కట్: అల్ అష్ఖారా బీచ్‌లో ఒడ్డుకు కొట్టుకు వచ్చిన వేల్ ఒకటి మృతి చెందింది. సమాచారం అందుకున్న సౌత్ అల్ షర్కియా గవర్నరేట్‌లోని పర్యావరణ శాఖ నిపుణులు సంఘటన స్థలాన్ని పరిశీలించారు.  వేల్ ఊపిరాడక మరణించిందని ప్రాథమిక పరీక్షలలో తేలిందని నిపుణులు వెల్లడించారు. వేల్ చుట్టూ తాళ్లు బిగుసుపోవడంతోనే కదలడం కష్టంగా మారి, శ్వాస తీసుకోవడం ఇబ్బందిగా మారిందని పేర్కొన్నారు.

సముద్రంలో ప్లాస్టిక్ వ్యర్థాల కారణంగా సముద్ర జీవులపై అనేక ప్రతికూల ప్రభావాలను చపుతుందని,  ముఖ్యంగా ఫిషింగ్ వలలు ప్రమాద కరంగా మారుతుందని తెలిపారు. సముద్రంలోకి వ్యర్థాలను వేయకుండా మత్స్యకారులు, బీచ్‌కి వెళ్లేవారిలో అవగాహన పెంచేందుకు ప్రత్యేక కార్యక్రమాలను నిర్వహిస్తున్నట్లు వెల్లడించారు.