యూఏఈ: ఫుజైరాలోని కొన్ని ప్రాంతాల్లో భారీ వర్షాలు కురుస్తున్నాయి. ఈ నేపథ్యంలో అస్థిర వాతావరణ పరిస్థితులు కొనసాగుతాయని జాతీయ వాతావరణ కేంద్రం అలెర్ట్ జారీ చేసింది. దక్షిణ భాగం నుండి ఉపరితల అల్పపీడన వ్యవస్థ విస్తరించి ఉందని, ఎగువ స్థాయిలో అల్పపీడనం కారణంగా పలు ప్రాంతాల్లో వర్షాలు కురుస్తాయని తెలిపింది. ఈ సందర్భంగా పలు సూచనలు చేసింది.

 వర్షాలు కురిసే సమయంలో వాహనాలు నడుపుతున్నప్పుడు జాగ్రత్తగా ఉండాలని సూచించింది.  ముఖ్యంగా లోయలు మరియు నీరు ప్రవహించే ప్రాంతాలకు దూరంగా ఉండాలి.  మెరుపులు మరియు ఉరుముల వచ్చే సమయాల్లో బహిరంగ లేదా ఎత్తైన ప్రాంతాలలో ఉండవద్దని సూచించారు.   

మరోవైపు, ఫుజైరాలో ఇప్పటికే కురుస్తున్న వర్షాల కారణంగా పర్వత ప్రాంతాల్లో అద్భుతమైన వాటర్ ఫాల్స్ కనువిందు చేస్తున్నాయి.  వీటిని చూసేందుకు నివాసితులు ఆసక్తి చూపుతున్నారు. వాటర్ ఫాల్స్ వీడియోలో సోషల్ మీడియాలో వైరలవుతున్నాయి.