మస్కట్: ఒమన్ సుల్తానేట్ లో అల్పపీడన ద్రోణి ప్రభావం కారణంగా ఆగస్టు 21 వరకు ఐదు రోజుల పాటు వర్షాలు కురుస్తాయని సివిల్ విమానయాన అథారిటీ తెలిపింది. నేషనల్ మల్టీ హజార్డ్ ఎర్లీ వార్నింగ్ సెంటర్  తాజా అలెర్ట్ ప్రకారం ఒమన్ గవర్నరేట్‌లలోని అల్ వుస్తా, దోఫర్, సౌత్ అల్ షర్కియా, నార్త్ అల్ షర్కియా మరియు అల్ దఖిలియాలో వర్షాలు కురిసే అవకాశాలు ఉన్నాయి.
వర్షపాతం 15-20 మిమీ మధ్య ఉంటుందని, ఇది కొన్ని వాడిల ప్రవాహానికి దారితీస్తుందని హెచ్చరించింది. అరేబియా సముద్రం మరియు ఒమన్ సముద్రం తీరాల వెంబడి సముద్రం అల్లకల్లోలంగా ఉంటుందని, గరిష్టంగా 4 మీటర్ల ఎత్తులో అలలు ఉంటాయని తెలిపింది.