సాధారణంగా శని, ఆదివారాల్లో విమాన టికెట్లు బుక్ చేసుకోవాలంటే మామూలు రోజుల కంటే కూడా కాస్త ఎక్కువగా ఉంటాయి కదూ. కానీ, జెట్ ఎయిర్ వేస్ మాత్రం ఇప్పుడు మామూలు టికెట్ల ధరల కంటే కూడా వీకెండ్ టికెట్ల ధరను కాస్త తగ్గిస్తూ ప్రత్యేక ఆఫర్ ఒకటి ప్రకటించింది. కేవలం స్వదేశీ ప్రయాణాలకే కాక.. అంతర్జాతీయ ప్రయాణాలకు కూడా ఈ ఆఫర్ పెట్టింది. జెట్ ఎయిర్ వేస్ వెబ్ సైట్ తో పాటు, మొబైల్ యాప్ లో కూడా ఈ టికెట్లు బుక్ చేసుకోవచ్చు. ఈనెల 25-26తో మొదలుపెట్టి, ప్రతి వారాంతంలోనూ ఈ ఆఫర్ ఉంటుంది. బేస్ ఫేర్ తో పాటు ఫ్యూయల్ సర్ ఛార్జి మీద కూడా 15 శాతం డిస్కౌంటు ఇస్తున్నారు. మొత్తం 51 స్వదేశీ, 22 అంతర్జాతీయ విమాన సర్వీసులకు ఈ ఆఫర్ వర్తిస్తుంది. గత ఆదివారం జెట్ ఎయిర్ వేస్ తన స్వదేశీ విమానాల్లో బిజినెస్ క్లాస్ ధరలను దాదాపు 50 శాతం వరకు తగ్గించింది.