బాలీవుడ్‌ బిగ్‌బి అమితాబ్‌ బచ్చన్‌, బాలీవుడ్‌ మిస్టర్‌ పర్‌ఫెక్ట్‌ అమీర్‌ ఖాన్‌ కాంబినేషన్ లో సినిమా రాబోతుంది. తొలిసారి వీరిద్దరు కలిసి నటిస్తున్నారు. యశ్‌రాజ్‌ ఫిల్మ్స్‌ పతాకంపై తెరకెక్కనున్న 'థగ్స్‌ ఆఫ్‌ హిందుస్థాన్‌' చిత్రం కోసం వీరు కలవబోతున్నారు. ఈ చిత్రానికి విజరుకృష్ణ ఆచార్య దర్శకత్వం వహిస్తున్నారు. అమీర్‌ నటించిన 'ధూమ్‌ 3' చిత్రానికి కూడా విజరుకృష్ణ దర్శకత్వం వహించారు. ఆ చిత్రం ఎంతటి ఘన విజయం సాధించిందో తెలిసిందే. ఈ సినిమాపై బాలీవుడ్‌లో విపరీతమైన క్రేజ్‌ నెలకొంది. వచ్చే ఏడాది దీపావళికి ఈ చిత్రాన్ని విడుదల చేయడానికి సన్నాహాలు చేస్తున్నారు.