మస్కట్‌: రువికి చెందిన బిజినెస్‌ మేన్‌ నజీబ్‌ రెహిమెన్‌ కొత్తగా ఆలోచించారు. ఓ చిన్న ఐడియా తనను వినూత్నమైన వ్యాపార రంగంలోకి అడుగు పెట్టేలా చేసిందంటారాయన. సాధారణంగా విదేశాలకు వెళ్ళేటప్పుడు సొంత కార్లను ఇంట్లోనో, లేదంటే విధిలేని పరిస్థితుల్లో ఎయిర్‌పోర్ట్‌ పార్కింగ్‌ ప్లేస్‌లోనే ఉంచేస్తుంటారు. కానీ రోజులు గడిచే కొద్దీ అవి దుమ్ముపట్టిపోతాయి. అలాంటి సమస్యలకు పరిష్కారం చూపించారు నజీబ్‌ రెహిమాన్‌. 1800 గజాల స్థలంలో 200 కార్లు పట్టేందుకు వీలుగా ఏర్పాట్లు చేశారు. అక్కడ ఒక్కో రోజుకి కారుకి 3 ఒమన్‌ రియాల్స్‌ అద్దె వసూలు చేస్తారు. నెలకు 50 దిర్హామ్‌లు ఛార్జ్‌ చేస్తున్నారు. వాహనాన్ని ఎప్పటికప్పుడు తనిఖీ చేయడం, బ్యాటరీ డౌన్‌ అయిపోకుండా ఓ సారి వాహనాన్ని స్టార్ట్‌ చేయడం వంటివి జరుగుతుంటాయి. వాహన యజమాని విదేశాల నుంచి తిరిగొచ్చేటప్పుడు అతనికి వాహనాన్ని పువ్వుల్లో పెట్టి అందించేస్తారు. ఎయిర్‌ పోర్ట్‌ పికప్‌ మరియు డ్రాపింగ్‌ సౌకర్యం కూడా కన్పిస్తున్నారు. రువిలోని ఓసి సెంటర్‌ సెకెండ్‌ ఫ్లోర్‌లో కార్‌ కేర్‌ని ఏర్పాటు చేశారు నజీబ్‌ రెహిమాన్‌.