* తడి లేని ప్రవాహం *
- November 12, 2016ఒక్కొక్కసారి ...
దేహం లోతుల్లోకి మనసు ప్రవహించదు
తడిని గుండెలో దాచుకున్న మట్టి
చెట్టులా నవ్వడమూ కనిపించదు
తీరంలో ఇసుక మీద రాసిన రాతలు
ఏ సంగతి చెప్పకుండానే చెరిగిపోతాయి
అయినా ఏమీ అనిపించదు
మామిడి కొమ్మల చిగురుటాకులు
మసక మబ్బుల్ని చూసి దిగులుపడినా
పూత పూసిన పువ్వంతా రాలిపడినా
ఏ దృశ్యమూ కనిపించదు
ఏ శబ్దమూ వినిపించదు
లోపలినుండి వెలుపలికి
పచ్చదనాన్ని పదే పదే తరుముతున్నట్లూ తెలియదు
అలసి పడుకున్నాక బీడుపడ్డ మైదానంలా మేల్కోవడం
అనుకోకుండానే జరిగిపోతుంది .
ఇక
లోపలినుండి వెలుపలికి
వెలుపలినుండి లోపలికి
ప్రవహించేందుకు తడి మిగలకపోవచ్చు
పారువెల్ల
తాజా వార్తలు
- ఇండియాకు ఒమన్ ఎయిర్ అదనపు సర్వీసులు
- ఫుజైరాలో వీధుల్లో వైల్డ్ క్యాట్ సంచారం..!
- రెసిడెన్సీ పర్మిట్ల కోసం లంచం.. నలుగురికి జైలుశిక్ష, జరిమానా
- మహిళను చంపి, దుకాణానికి నిప్పంటించిన వ్యక్తి..అరెస్ట్
- యూఏఈ, జోర్డాన్, టర్కీలతో ఖతార్ కీలక చర్చలు..!
- యూఏఈలో ఇకపై చేతితో చెల్లింపులు..?
- పవన్ కళ్యాణ్ కు ఓటు వేసి గెలిపించాలని పిఠాపురం ప్రజలను కోరిన చిరంజీవి
- నేడు హైదరాబాద్కు రానున్న ప్రధాని మోడీ..ట్రాఫిక్ ఆంక్షలు
- యూఏఈలో భారతీయుడు మృతి..ఎన్నారైల తోడ్పాటుతో స్వగ్రామానికి పార్దీవదేహాం
- కొనసాగుతున్నమూడో విడత పోలింగ్..