చిరు మందహాసానికి వేదికైన అధరాలు ముఖానికి అదనపు అందాన్ని అందిస్తాయి. ఈ పెదాలు మరింత నాజూగ్గా కనిపించాలంటే ఈ టిప్స్‌ను ఫాలో అయిపోండి.

సగం చెంచా శనగపిండి తీసుకొని దానిలో కొన్ని చుక్కలు రోజ్‌వాటర్‌, నిమ్మరసం కలపాలి. ఈ మిశ్రమంతో రెండు రోజులకోసారి పెదాలను రుద్దుకోవాలి. 

అరటి పండు గుజ్జు, బొప్పాయి గుజ్జు, కొద్దిగా ఆరెంజ్‌ జ్యూస్‌, కొద్దిగా తేనె కలిపి మిశ్రమాన్ని తయారు చేసుకోవాలి. దీన్ని పెదాలపై బాగా రుద్దుకొని తరువాత కడుక్కోవాలి. 

ఒక టీ స్పూన్‌ ఆలీవ్‌ ఆయిల్‌కి కొద్దిగా చక్కెర, నిమ్మరసం కలపాలి. ఈ మిశ్రమంతో పెదాలను రుద్దుకుంటే మృత కణాలు తొలగిపోయి పెదవులు ఆరోగ్యంగా కనిపిస్తాయి. 
కలబంద గుజ్జుకు కొద్దిగా నిమ్మరసం కలిపి దాన్ని పెదాలకు రాసుకోవాలి. తరువాత బ్రష్‌తో రుద్దాలి. ఇలా రెండు వారాలపాటు చేస్తే పెదాలు ఎర్రగా మృదువుగా ఉంటాయి. 

గులాబీ రెబ్బలను పేస్టులా చేసి దానికి కొంచెం వెన్న కలపాలి. ఈ మిశ్రమాన్ని పెదాలపై రాసుకొని మర్దనా చేయాలి. ఈ విధంగా వారానికి రెండుసార్లు పెదాలు ఎర్రగా తయారవుతాయి. 

ఒక టేబుల్‌స్పూన్‌ కాఫీ పొడి, ఒక టేబుల్‌ స్పూన్‌ ఆలివ్‌ ఆయిల్‌ కలిపి పెదాలకు రాసుకొని రుద్దాలి. దీన్ని ఐదు నిమిషాల తరువాత కడుక్కోవాలి. ఆ తరువాత కొబ్బరి నూనెగానీ, ఆలివ్‌ నూనె గానీ రాసుకొంటే పెదవులు మృదువుగా ఉంటాయి.