జాతీయ షూటింగ్ చాంపియన్‌షిప్‌లో తెలంగాణ జట్టు అద్భుత ప్రదర్శనతో ఆకట్టుకుంది. పుణేలో జరిగిన ఈ టోర్నమెంట్‌లో టీమ్ రైఫిల్ ప్రోన్ విభాగంలో తెలంగాణ రైఫిల్ సంఘం రజత పతకాన్ని దక్కించుకుంది. ఉత్తర్‌ప్రదేశ్ జట్టు అత్యధికంగా 1810.2 పాయింట్లు సాధించి స్వర్ణాన్ని కై వసం చేసుకుంది.

తెలంగాణ జట్టు 1801.7 పాయింట్లతో రెండో స్థానంలో నిలిచింది. తెలంగాణ తరఫున అబిద్ అలీఖాన్ 607.2 పాయింట్లు, మొహమ్మద్ అబ్దుల్ షాహిద్ 602.3 పాయింట్లు, సయ్యద్ మొహమ్మద్ మహమూద్ 598.2 పాయింట్లు స్కోర్ చేశారు. 1796.7 పాయింట్లు సాధించిన కేరళ జట్టుకు కాంస్య పతకం దక్కింది.