అమెరికా దేశం విడిచి వెళ్లిపోవాలని ఆదేశించిన 35 మంది దౌత్యవేత్తలు రష్యాకు పయనమయ్యారు. గూఢచర్యానికి పాల్పడ్డరానే ఆరోపణలపై వీరందరినీ అమెరికాను విడిచి వెళ్లిపోవాలని అధ్యక్షుడు బరాక్‌ ఒబామా ఆదేశించారు. ఈ ఆదేశాలు 72గంటల్లో అమలు కావాలని ఆయన పేర్కొన్నారు. దీంతో నూతన సంవత్సరం తొలిరోజున రష్యా దౌత్యవేత్తల విమానం మాస్కో బయల్దేరిందని అమెరికాలోని రష్యా కార్యాలయ దౌత్యవేత్త తెలిపారు. రష్యా అధ్యక్షుడు, ఇతర ముఖ్య అధికారులు ప్రయాణించే విమానంలో వీరిని మాస్కో చేర్చినట్లు ఆయన చెప్పారు.
అమెరికా భావి అధ్యక్షుడు ట్రంప్‌ ఇప్పటికే ఒబామా సర్కారు నిర్ణయాన్ని తప్పుపట్డారు.

రష్యా, అమెరికాలను హ్యాకింగ్‌ వ్యవహారానికి దూరంగా ఉంచాలన్నారు. అసలు కంప్యూటర్ల పనితీరునే నమ్మలేమని ఆయన వ్యాఖ్యానించారు.