దుబాయ్లోని వ్యాపార వర్గాలు అడ్వటైజ్‌మెంట్లు, పాంప్లేట్‌లు, ఇతర ప్రచార కార్యక్రమ సామగ్రి ని ముద్రించి, పంచే ముందు సరిచూసుకోవలసిందిగా దుబాయి  ఆర్ధికాభివృద్ధి శాఖ సీనియర్ డైరక్టర్  ఖలిద్ అల్ బూమ్ తెలియజేశారు. అంతేకాకుండా భోజన శాలల వద్ద, మెన్యు లపై కూడా పదార్ధాల పేరును అరబిక్‌లో తెలిసేలా రాయించాలని ఆయన చెప్పారు. వారి ట్రేడ్ లైసెన్స్ మీద, దుఖానం పేరు కూడా అరబిక్‌లో  తప్పులు లేకుండా ఉండేలా జాగ్రత్త వహించాలని ఆ విధంగా లేని సంస్థలు బుక్ చేయబడతాయని, ముఖ్యంగా కేఫ్ లు రెస్టారెంట్లు లక్ష్యంగా తనిఖీలు జరుగుతున్నాయని ఆయన తెలిపారు. అడ్వటైజ్ మెంట్ల వల్ల సత్ప్రభావాలు, దుష్ప్రభావాలు కూడా ఉంటాయని, లోపభూయిష్టంగా ఉన్న అడ్వటైజ్ మెంట్ల వల్ల వినియోగదారులు వెను తిరిగే ప్రమాదముందని ఆయన హెచ్చరించారు.

--సి.శ్రీ(దుబాయ్)