అదుపు
- October 15, 2015
అదుపు
పదహారవ ప్రాయంలోనే సుడి గాలిలా
ప్రవేశించి
పొగ మేఘమై గుండెను ఉక్కిరి బిక్కిరి
చేసింది
మొదటి ప్రేమో ఆకర్షణనో లేక సినీ తారా
మాయా జాలమో
లాగి వదిలిన శరాఘాతాల్లా రింగు రింగుల్లా
కలలు కలలుగా పై పైకి
లేని ప్రేయసి ఎలాగూ రాలేదు తననూ
వెనక్కి వెళ్ళమని కోరాను ససేమిరా అంది,
ఇష్ట పడి కట్టుకుని కలిసి వచ్చిన అర్ధాంగి అర్ధంతరంగా
అన్యాయం అవుతాననేమోనని చెవుల ఇల్లు కట్టుకుని పోరు..
ఇక తప్పలేదు పో పొమ్మని కసరక కానీ
తను కాస్త కూడా కదలకుండా ఉంటుానే మరింత
నా ఊపిరిని తనకు బానిసను చేసింది
ఛి ఛి అన్నాను నువ్వొక వ్యసనమన్నాను
నన్ను నేనే అసహ్యించుకున్నాను
ఆలస్యంగా తెలుసుకున్నాను సరదా మోజుతో
దాని చేతిలో మోసపోయానని
చాలా యుద్ధం చేసాను మనసును అదుపు
చేసుకున్నాను
అర కొర వయసులోనే గతి తప్పిన నన్ను
నిలవరించుకున్నాను
విజయున్ని నేనయ్యాను అయితే
నా స్వఛ్చమైన శ్వాసకిప్పుడు అయిదేళ్ళు
-- జయరెడ్డి బోడ
తాజా వార్తలు
- ఏపీ ఎన్నికల ఫలితాలపై రూ.కోట్లలో బెట్టింగ్లు
- శుభవార్త. కొత్తగా 10 ఏళ్ల బ్లూ రెసిడెన్సీ వీసా
- అరబ్ సమ్మిట్. గాజా సంక్షోభం, పాలస్తీనా గుర్తింపుపై ఫోకస్..!
- PACI సందర్శకులకు శుభవార్త..!
- ఒమన్ పీస్ బిల్డర్.. UN సెక్రటరీ జనరల్ ప్రశంసలు
- అనుమతి లేకుండా హజ్.. SR100,000 వరకు ఫైన్..!
- 'దుబాయ్ అన్లాక్డ్' క్లెయిమ్లను కొట్టిపారేసిన యూఏఈ..!
- సింగపూర్ కొత్త ప్రధానిగా లారెన్స్ వాంగ్
- టీమిండియా కోచ్ రేసులో ఇద్దరు విదేశీయులు..
- అమెరికా: ఉద్యోగాలు కోల్పోయిన హెచ్1బీ వీసాదారుల కోసం కొత్త గైడ్లైన్స్