మనామా: జీతాలు, అలాగే జీతాలకు సంబంధించిన బకాయిలు చెల్లించడంలేదంటూ తాము పనిచేస్తున్న సంస్థపై ఆరోపణలు చేస్తూ కొందరు కార్మికులు ఆందోలన బాట పట్టగా, లేబర్‌ అండ్‌ సోషల్‌ డెవలప్‌మెంట్‌ మినిస్ట్రీ వారికి కొంత ఊరట కలిగించే ప్రకటన చేసింది. లేబర్‌ ఇన్‌స్పెక్షన్‌ డైరెక్టర్‌ అహ్మద్‌ అల్‌ హైకి వెల్లడించిన వివరాల ప్రకారం 240 మంది కార్మికులకు సదరు సంస్థ చెల్లింపులు చేయగా, 115 మంఇకి చెల్లించాల్సి ఉందని పేర్కొన్నారు. చెల్లింపులు జరగనివారు కంపెనీకి మాజీ ఉద్యోగులనీ, వారికి ఆరు నెలల్లో చెల్లింపులు చేస్తామని సంస్థ ఒప్పుకుందని తెలిపారాయన. కంపెనీ మినిస్ట్రీకి హామీ ఇచ్చిన దరిమిలా ఈ వివాదం సద్దుమణిగినట్లేనని అల్‌ హైకి వివరించారు.