అండర్ వరల్డ్ డాన్ ఛోటా రాజన్ అరెస్ట్
- October 26, 2015
దాదాపు రెండు దశాబ్దాలుగా భారత దేశంతో పాటు ప్రపంచంలోని అనేక దేశాలను వణికిస్తూ.. దొరక్కుండా తప్పించుకు తిరుగుతున్న అండర్ వరల్డ్ డాన్ ఛోటా రాజన్ అరెస్టయ్యాడు. ఆస్ట్రేలియా పోలీసులు అందించిన సమాచారం మేరకు అతడిని ఇంటర్పోల్ వర్గాలు ఇండోనేషియాలోని బాలిలో అరెస్టు చేశాయి. ఒకప్పుడు అండర్ వరల్డ్ డాన్ దావూద్ ఇబ్రహీంకు సన్నిహిత సహచరుడైన ఛోటా రాజన్.. ఆ తర్వాత అతడికి గట్టి ప్రత్యర్థిగా మారాడు. ముంబై పోలీసులు, భారత నిఘా ఏజెన్సీలు దాదాపు రెండు దశాబ్దాలుగా అతడి కోసం వెతుకుతున్నారు. 1995 నుంచి ఛోటా రాజన్ తప్పించుకుని తిరుగుతున్నాడు. ఇప్పటికీ ముంబై నేర సామ్రాజ్యంలో జరుగుతున్న అనేక ఘటనలలో అతడి హస్తం ఉందని చెబుతుంటారు. దావూద్ ఇబ్రహీం - ఛోటా రాజన్ వర్గాల మధ్య చాలా కాలంగా గొడవలు ఉన్నాయి. వాళ్లలో దావూద్ గ్యాంగ్ ఇప్పుడు ఛోటా రాజన్కు సంబంధించిన సమాచారం అందించి ఉండొచ్చని కూడా చెబుతున్నారు. మన నిఘా సంస్థలు ఆ సమాచారం సేకరించాయో, లేదా వాళ్లెవరైనా ఇచ్చారో అప్పుడే చెప్పలేమని అంటున్నారు. భారతదేశానికి అతడిని డిపోర్ట్ చేసే అవకాశం ఉందని ఇండోనేసియా పోలీసులు, ఇంటర్పోల్ వర్గాలు చెబుతున్నాయి.
తాజా వార్తలు
- ఇరాన్ వైమానిక దాడులను అడ్డుకున్న బహ్రెయిన్ రక్షణ వ్యవస్థలు
- షేక్ జాయెద్ రోడ్డు పై పరుగుల సందడి.. ఘనంగా దుబాయ్ రన్ 2026 ప్రారంభం
- మెక్సికోలో కార్టెల్ హింస..11 మంది మృతి
- కువైట్–అమెరికా ఆర్థిక సంబంధాల బలోపేతానికి చర్చలు..!!
- వచ్చే వారం ఖతార్లో పొగమంచు.. వాహనదారులకు హెచ్చరిక..!!
- సౌదీలో 25.2 శాతం పెరిగిన డెలివరీ ఆర్డర్లు..!!
- బహ్రెయిన్లో భారీ సైబర్ మోసం..మహిళ అరెస్ట్..!!
- ఒమన్లో సాంస్కృతిక వారసత్వ సంపదకు చట్టపరమైన రక్షణ..!!
- దుబాయ్ రైడ్లో భారతీయుడికి Dh10,000 బహుమతి..!!
- రేవంత్ ప్రభుత్వం కీలక నిర్ణయం..







