పవన్ కళ్యాణ్ పుట్టిన రోజు.. అభిమానులకు పండగ రోజు..
పవన్ కళ్యాణ్ .. ట్రెండ్ ను ఫాలో కాడు.. సెట్ చేస్తాడు.. మల్టీటాలెంటెడ్.. ఇతర హీరోలకు భిన్నమైన ఆలోచనా ధోరణితో ఉంటాడు. రాజకీయంగానూ తిరుగులేని అభిమాన జనసేనను సంపాదించుకున్న ఈ గబ్బర్ సింగ్ పుట్టిన రోజు నేడు. 
చిరంజీవి మెగాస్టార్ గా ఓ వెలుగు వెలుగుతున్న టైమ్ లోనే తన రెండో సినీ వారసుడిగా కళ్యాణ్ బాబును రంగంలోకి దించాడు. చూడగానే పక్కింటి కుర్రాడిలా కనిపించిన పవన్ పై భారీ అంచనాలే పెట్టుకున్నారు మెగా అభిమానులు. వారి కోసమే కాకుండా ఇండస్ట్రీకి తానేంటో నిరూపించాలనే తొలి సినిమా అక్కడ అమ్మాయి ఇక్కడ అబ్బాయిలో అదిరిపోయే మార్షల్ ఆర్ట్స్, రియల్ స్టంట్స్ చేసి వారెవ్వా అనిపించాడు పవన్. ఆ పై గోకులంలో సీత అంటూ సాఫ్ట్ స్టోరీ చేసీ మెప్పించాడు.. 
తొలి రెండు సినిమాలతో ఇండస్ట్రీని ఆకట్టుకున్నా.. కమర్షియల్ గా అద్భుతమైన విజయాలైతే కాదు. మూడో సినిమా సుస్వాగతం. ఓ తమిళ చిత్రానికి అనువాదంగా వచ్చిన మూవీ. సినిమా హిట్ అయింది కానీ.. క్రెడిట్ అంతా కామెడీకే వెళ్లిపోయింది. కానీ ఆఖర్లో రియలైజ్ అయ్యే ఒన్ సైడ్ లవర్ గా పవన్ నటన ఇప్పటికీ అలరిస్తూనే ఉంది. 
తర్వాత వచ్చింది.. పవన్ అంటే పిచ్చిపట్టేలా అభిమానించే సినిమా. పవన్ ను తమ ఆరాధ్య నాయకుడిగా మార్చుకున్న సినిమా అది. అలాంటి సినిమా ఒక్కసారైనా చేయాలని.. ఎంతో మంది హీరోలు.. దర్శకులు కలలు కంటోన్న సినిమా అది. అదే తొలి ప్రేమ. తొలి ప్రేమలోని మాధుర్యాన్ని అత్యద్భుతంగా ఆవిష్కరించిన సినిమా అని అందరూ అనుకుంటారు.. కానీ ఆ మాధుర్యాన్ని తన నటనతో ప్రతి కుర్రాడు తనను తాను చూసుకునేలా చేశాడు పవన్.. అందుకే ఆ సినిమా అంత స్పెషల్ అయింది.. లక్షలమంది కుర్రాళ్లు పవన్ అంటే పడిచచ్చేంత అభిమానానికీ కారణమైంది. 
పవన్ కళ్యాణ్ ముందు నుంచీ భిన్నమైన ధోరణిలోనే ఉండేవాడు. కామ్ గోయింగ్. సినిమాల్లో కనిపించే హడావిడీ అతని లైఫ్ స్టైల్ లో కనిపించదు. అభిమానులు పెరుగుతున్నా అతనిలో అహంకారం పెరగలేదు. అది ఫ్యాన్స్ కు ఇంకా బాగా నచ్చింది. ఇక తొలిప్రేమతో అతన్ని అభిమానించడం మొదలుపెట్టిన ఎంతో మందికి అతని మేనియా సోకింది మాత్రం ఖుషీతోనే. కాలేజ్ స్టూడెంట్ గా పవన్ చేసిన ఖుషీ టాలీవుడ్ రికార్డులను తిరగరాసింది. ఈ సినిమాలోనే పూర్తిగా హిందీ లిరిక్స్ తో పాట పెట్టి ఆశ్చర్యపరిచాడు. సిద్దూ సిద్ధార్థ్ రాయ్.. బెంగాల్ టైగర్ అంటూ పవన్ చెప్పిన డైలాగులు కుర్రకారును ఊపేశాయి. 
జానీ, గుడుంబా శంకర్, బాలు, బంగారం, అన్నవరం, కొమురం పులి, తీన్ మార్, పంజా.. ఇలా అన్నీ ఫ్లాపులే. కానీ ఒకటీ రెండు సినిమాలకు తప్ప ఏ నిర్మాతా పెద్దగా నష్టపోలేదు. అయితే హిట్ కోసం పవన్ చేయని ప్రయత్నమే లేదు. యాక్షన్ నుంచి అన్నవరం లాంటి సిస్టర్ సెంటిమెంట్ సినిమాల వరకూ.. హీరోయిన్ లేని బంగారం నుంచి మాఫియా డాన్ లాంటి పంజా వరకూ ఎన్నో చేశాడు. 

దాదాపు పదేళ్ల తర్వాత పవన్ కు అతని స్థాయికి తగ్గ హిట్ వచ్చింది. 2012లో వచ్చిన ఆ కలెక్షన్ సునామీ గబ్బర్ సింగ్. హరీష్ శంకర్ డైరెక్షన్ లో ఇన్నాళ్ల నిరీక్షణకు తెరపడింది. గబ్బర్ సింగ్ బాక్సాఫీస్ వద్ద కలెక్షన్ల కుంభవృష్టి కురిపించింది.. అన్ని రికార్డులను తిరగరాసింది. 
తర్వాత బద్రి కాంబినేషన్ లో పూరీ జగన్నాథ్ తో కెమెరామెన్ గంగతో రాంబాబు సినిమా చేశాడు. కానీ అదీ ఆశించిన స్థాయిలో అంచనాలను అందుకోలేకపోయింది. కానీ పవన్ లోని ఫైర్ ను మాత్రం అంతో ఇంతో చూపించగలిగాడు పూరీ. మరోవైపు వివాదాలు కూడా ఆ సినిమా పరాజయానికి కారణంగా నిలిచాయి. 
ఇక 2013లో వచ్చిన అత్తారింటికి దారేదీ మరో బ్లాక్ బస్టర్ అయింది. మళ్లీ అన్ని రికార్డులను తుడిచిపెట్టేసిందా సినిమా. విడుదలకు ముందే గంటన్నర సినిమా పైరసీకి గురైనా అన్ని రికార్డ్స్ ను బ్రేక్ చేసిందంటే కారణం పవన్ కళ్యాణ్ క్రేజే. ఇక అత్తారింటికి దారేదీ క్లైమాక్స్ లో తన ఇమేజ్ భిన్నమైన నటనతో తొలిప్రేమ తర్వాత ప్రేక్షకుల చేత కన్నీళ్లు పెట్టించాడు పవన్. 
రాజకీయంగా అన్నయ్య స్థాపించిన ప్రజారాజ్యం పార్టీకి యువనేతగా కీలక బాధ్యతలే చూసుకున్నాడు పవన్. కానీ ప్రజారాజ్యం అనుకున్న లక్ష్యం నెరవేరకపోవడం, ఆ పార్టీని కాంగ్రెస్ లో విలీనం చేయడంతో అన్నయ్యతోనే విభేదించాడు. మధ్యలో ప్రేమించి పెళ్లి చేసుకున్న రేణుదేశాయ్ తో విడాకులు ఎంతో మందిని ఆశ్చర్యపరిచాయి. ఇక రీసెంట్ గా తనే జనసేన పార్టీని స్థాపించి..రియల్ పవర్ స్టార్ అనిపించుకున్నాడు. మధ్యలో అభిమానుల కోసం గోపాలా గోపాలాగా మెప్పించాడు. 
ప్రస్తుతం పవన్ అటు రాజకీయాలు, ఇటు సినిమాలతో బిజీగాఉన్నాడు. ఎవరెన్ని విమర్శలు చేసినా తను నమ్మిన దాని కోసం హండ్రెడ్ పర్సెంట్ కష్టపడుతున్నాడు. ఓ రకంగా పవన్ సాధించిన విజయాల కంటే.. ఆయన వ్యక్తిత్వమే ఎక్కువ మంది అభిమానుల్ని సంపాదించి పెట్టింది. తానో సెలబ్రిటీ అన్న విషయాన్ని పక్కన బెట్టి సాధారణ జీవితాన్నే గడుపుతుంటారు.. అయితే సినిమాల 
పరంగా మళ్లీ సర్ధార్ గబ్బర్ సింగ్ తో ఫ్లాప్ చూశాడు. రీసెంట్ గా వచ్చిన కాటమరాయుడు కూడా ఆశించినంత పెద్ద విజయం సాధించలేదు. ప్రస్తుతం మళ్లీ త్రివిక్రమ్ డైరెక్షన్ లో ఓ సినిమా చేస్తున్నాడు. సంక్రాంతి బరిలో విడుదల కాబోతోందీ సినిమా. అత్తారింటికి దారేదీ తర్వాత వస్తోన్న ఈ మూవీ కూడా పూర్తిగా ఫ్యామిలీ ఎమోషన్స్ నేపథ్యంలో వచ్చే సినిమాగా చెబుతున్నారు. దీని తర్వాత సంతోష్ శ్రీనివాస్ డైరెక్షన్ లోనూ ఓ సినిమా చేస్తాడు. సినిమాలు కాకుండా పవన్ ఏం చేసినా అందులో ఓ చిత్తశుద్ధి కనిపిస్తుంది. పవర్ ఉంటుంది. మాటలు మంత్రాల్లా పనిచేస్తాయి. అందుకే లక్షలమంది యువత ఆయన వెనకాల ఉన్నారు. తను అనుకున్న లక్ష్యం కోసం 2019 అసెంబ్లీ ఎన్నికల్లో బరిలోకి దిగుతానంటోన్న 
రాజకీయాల్లో మార్పులు తెస్తాడనే నమ్మకంతో ఉన్నారు చాలామంది. ఆ నమ్మకాన్ని నెరవేర్చే దిశగా పవన్ ప్రణాళికలు ఉండాలని కోరుకుంటూ మరోసారి ఈ పవర్ స్టార్ కు పుట్టిన రోజు శుభాకాంక్షలు చెబుదాం.. 
Happy, Birthday, to, Power, Star, Pawan, Kalyan
పవర్ స్టార్ పవన్ కళ్యాణ్‌కి పుట్టిన రోజు శుభాభినందనలు