వాషింగ్టన్‌: మిస్‌ అమెరికా-2018 పోటీలు ఆదివారం రాత్రి జరిగాయి. సుమారు 50 మంది పాల్గొన్న ఈ పోటీలో మిస్‌ నార్త్‌ డకోటా భామ కారా ముంద్‌ మిస్‌ అమెరికా-2018 కిరీటాన్ని దక్కించుకుంది. 23 కారా బ్రౌన్‌ విశ్వవిద్యాలయంలో వ్యాపార రంగానికి సంబంధించిన చదువును అభ్యసిస్తోంది. నార్త్‌ డకోటా నుంచి తొలిసారి మిస్‌ అమెరికా కిరీటాన్ని దక్కించుకున్న యువతిగా కారా ముంద్‌ చరిత్ర సృష్టించింది.

పోటీల్లో భాగంగా న్యాయనిర్ణేతలు 'పారిస్‌ వాతావరణ ఒప్పందాన్ని రద్దు చేసుకోవడం సరైన నిర్ణయమా? కాదా?' అని అడిగిన ప్రశ్నకు కారా ఏమాత్రం తడబడకుండా 'ట్రంప్‌ నిర్ణయం సరైంది కాదు' అని సమాధానమిచ్చింది. ఈ పోటీల్లో మిస్సోరి భామ జెన్నిఫర్‌ డేవిస్‌ తొలి రన్నరప్‌గా నిలవగా, న్యూజెర్సీ భామ కైట్లియన్‌ ష్కోఫియల్‌ రెండో రన్నరప్‌గా నిలిచింది.