అక్రమ ప్రవాసీయులకు ఇవ్వబడిన ఆరునెలల  క్షమాభిక్ష కాలవ్యవధి, జూలై 1 తో ప్రారంభమై, ఈ డిసెంబరు 31 తో ముగియనున్నందున, విమాన ప్రయాణ రెట్లు కూడా పెరగనున్న నేపధ్యంలో వారు తమ విమాన టికెట్లను త్వరగా బుక్ చేసుకోవలసిందిగా బహ్రైన్ లేబర్ మార్కెట్ రెగ్యు లేటరి అధారిటీ  (LMRA ) చీఫ్ ఎగ్జిక్యుటివ్ ఔసామా అల్ అబ్సి హితవు పలికారు. ఇంకా ప్రవాసీయులు మరింత డబ్బు సంపాదించడానికి ఆఖరి నిముషం వరకు వాయిదా వేస్తారని, ఆఖరి నిముషంలో సీట్ల కొరత ఏర్పడి ప్రయాణం రద్దు కాకుండా ఉండాలంటే వారు సమయానుకూలంగా వ్యవహరించాలని; ఐతే డిసెంబర్ 31 తరువాత ఏ కారణం చేతనైనా వెళ్ళలేక ఉండిపోయిన అక్రమ నివాసులపై వేటు విధించవలసి ఉంటుందని వారు తెలుసుకోవాలని ఆయన హెచ్చరించారు.,