వరుసగా రెండు సూపర్ సిరీస్ టైటిల్స్ గెలుచుకున్న హైదరాబాదీ బ్యాడ్మింటన్ స్టార్ కిదాంబి శ్రీకాంత్‌పై నజరానాల వర్షం కురుస్తోంది. తాజాగా మాజీ క్రికెటర్ హైదరాబాద్ బ్యాడ్మింటన్ అసోసియేషన్ ప్రెసిడెంట్ చాముండేశ్వరీనాథ్ వ్యక్తిగతంగా 10 లక్షల చెక్ అందజేశారు. భవిష్యత్తులో శ్రీకాంత్ మరిన్ని విజయాలు సాధించాలని ఆకాంక్షించారు. అలాగే గోపీచంద్ అకాడమీతో ఒప్పందం చేసుకున్న ఐడిబీఐ శ్రీకాంత్‌కు 6 లక్షల నజరానా ప్రకటించింది. అతనితో పాటు డబుల్స్ ప్లేయర్స్ సిక్కిరెడ్డి, జెర్రి, సాత్విక్‌లకు ఒక్కో లక్ష చొప్పున క్యాష్ ప్రైజ్‌ అందజేసింది.