యూఏఈలోని పలు ప్రాంతాల్లో రోడ్లపై యాక్సిడెంట్స్‌ జరగడంతో వాహనదారులు ట్రాఫిక్‌ సమస్యల్ని ఎదుర్కొనాల్సి వచ్చింది. ఇ611 ఎమిరేట్స్‌ రోడ్డుపై పలు చోట్ల వాహన ప్రమాదాలు చోటు చేసుకున్నాయి. దాంతో ట్రాఫిక్‌ ఇబ్బందులు తీవ్రంగా ఏర్పడ్డాయి. దుబాయ్‌ - అల్‌ అయిన్‌ రోడ్డుపై అబుదాబీ వైపుగా కూడా ట్రాఫిక్‌ సమస్యలు ఏర్పడ్డాయి. అబుదాబీ వైపుగా దుబాయ్‌ మాల్‌ ఎగ్జిట్‌ రోడ్డుపై ప్రధానంగా ట్రాఫిక్‌ సమస్యలు తలెత్తాయి. ఉదయాన్నే వివిధ పనుల నిమిత్తం బయటకు వెళ్ళేవారికి ట్రాఫిక్‌తో చాలా ఇబ్బందులు పడక తప్పలేదు. షార్జా నుంచి దుబాయ్‌ వైపు వెళ్ళే ఎమిరేట్స్‌పైనా వాహనాలు నెమ్మదిగా కదిలాయి.