యు.ఏ.ఈ:ఎమిరేటీ మాజిద్‌ ముస్తాఫా, ఇప్పటికే 5,000 స్పెషల్‌ నెంబర్‌ ప్లేట్స్‌కి ఓనర్‌. ఆయన కొత్తగా ఎఎ10 నెంబర్‌ ప్లేట్‌ కోసం 3,120,000 దిర్హామ్‌లు చెల్లించారు. రోడ్స్‌ అండ ట్రాన్స్‌పోర్ట్‌ అథారిటీ నిర్వహించిన 97వ ఆక్షన్‌లో మాజిద్‌ ఈ నెంబర్‌ని దక్కించుకున్నారు. 10 ఎఎ కోడ్‌లో 12, 50, 103, 333, 786, 1000, 8888, 11111, 55555 వంటివి ఉన్నాయి. మొత్తంగా ఈ ఆక్షన్‌తో ఆర్‌టిఎ 12,750,000 దిర్హామ్‌ల మొత్తాన్ని దక్కించుకుంది. ఈసారి ఆక్షన్‌లో రెండో అత్యధిక మొత్తం ఎఎ 12 నెంబర్‌ ప్లేట్‌కి దక్కింది. 2,720,000 దిర్హామ్‌ల రేటు పలికింది ఈ నెంబర్‌ ప్లేట్‌. ఎస్సా అల్‌ హబ్బాయి ఈ నెంబర్‌ని దక్కించుకున్నారు. ముస్తఫా మాట్లాడుతూ, ఎఎ10 నెంబర్‌ ప్లేట్‌ని తన పర్సనల్‌ అవసరాల కోసం వినియోగిస్తానని చెప్పారు. 2002 నుంచి ఆక్షన్‌లో పాల్గొంటున్నారు ముస్తఫా. ఆయన వద్ద మొత్తం 5000 స్పెషల్‌ నెంబర్‌ ప్లేట్స్‌ ఉన్నాయి. ఆయన వద్ద ఉన్న అత్యధిక రేటు కలిగిన నెంబర్‌ ప్లేట్‌ ఐ10, 6 మిలియన్ల ధర పలికింది ఈ నెంబర్‌ ప్లేట్‌ అప్పట్లో.