బాలీవుడ్ లో బయోపిక్ ల ట్రెండ్ నడుస్తోంది. ఇప్పటికే బోలెడు సినిమాలు ఈ వరుసలో వచ్చేశాయి. సంచలనం రేపిన సంఘటన, వ్యక్తుల పై కూడా సినిమాలు తీస్తున్నారు అక్కడి ఫిల్మ్ మేకర్. ఈ క్రమంలో మరో బయోపిక్. ప్రముఖ గణిత మేధావి ఆనంద్‌ కుమార్‌ జీవితాధారంగా ఓ సినిమాను వికాస్‌ బెహల్‌ తెరకెక్కించబోతున్నారు. హృతిక్‌ రోషన్‌ టైటిల్ రోల్ .

అయితే ఈ సినిమాలో హృతిక్‌కు విద్యార్థులుగా నటించడానికి ఏకంగా 15వేల మంది విద్యార్థులు ఆడిషన్‌కోసం వచ్చారట. చిత్రబృందం వీరందరికి ఆడిషన్‌ చేసి 78 మంది విద్యార్థులను ఎంపిక చేసింది. 15 నుంచి 17 ఏళ్లలోపు పిల్లలను ఆడిషన్‌ చేద్దామనుకున్నాం. ఇప్పటివరకు 15వేల మంది విద్యార్థులు వచ్చారు. ఇప్పుడు వారిలో కేవలం 30మందినే సినిమా కోసం తీసుకోవాలనుకుంటున్నాం." అని యూనిట్ వెల్లడించింది, ఐఐటీ, జేఈఈ విద్యార్థులకు గణితం నేర్పించిన ఆనంద్‌ కుమార్‌ విశేష గుర్తుంపు తెచ్చుకున్నారు.