ఒక వినూత్న ప్రేమ కథగా..
- December 15, 2017సంగీత దర్శకుడు శ్రీ కుమారుడు రాజేష్ శ్రీ చక్రవర్తి కథానాయకుడిగా పరిచయమవుతున్న చిత్రం శివకాశీపురం. ప్రియాంకా శర్మ నాయికగా నటిస్తోంది. సాయి హరీశ్వరా ప్రొడక్షన్స్ పతాకంపై మాస్టర్ హరి సమర్పణలో పులిమామిడి మోహన్బాబు ఈ చిత్రాన్ని నిర్మిస్తున్నారు. హరీష్ వట్టికూటి దర్శకత్వం వహిస్తున్నారు. ఈ సినిమా నిర్మాణాంతర కార్యక్రమాలు పూర్తయ్యాయి. త్వరలో సెన్సార్ పూర్తిచేసి విడుదలకు సిద్ధం చేస్తున్నారు. ఈలోగా ప్రచార కార్యక్రమాలు మొదలు పెట్టారు. పవన్ శేష సంగీతాన్నందించిన పాటలు చిత్రానికి ఆకర్షణ కాబోతున్నాయి. ఇప్పటికే రెండు పాటలు విడుదలవగా.మూడో పాటను తెలంగాణ ఫిల్మ్ డెవలప్మెంట్ కార్పొరేషన్ ఛైర్మన్ రామ్మోహన్రావు చేతుల మీదుగా విడుదల చేశారు. ఈ సందర్భంగా ఎఫ్డీసీ ఛైర్మన్ రామ్మోహన్రావు మాట్లాడుతూ..శివకాశీపురం చిత్రాన్ని మంచిర్యాల ప్రాంతంలో ఎక్కువగా చిత్రీకరణ జరిపామని, షూటింగ్ కోసం అక్కడి ప్రజలు ఎంతో సహకరించారని దర్శక నిర్మాతలు చెబుతుండటం సంతోషకరం. అక్కడే కాదు చిత్రీకరణలకు ఎక్కువ శాతం తెలంగాణ ప్రజలు సహకరిస్తారు. చిత్ర నిర్మాణం కంటే బాధ్యతగా విడుదలకు ప్రయత్నాలు చేసుకోవాలి. సరైన సమయంలో ప్రేక్షకుల ముందుకు చిత్రాన్ని తీసుకురావాలి. శివకాశీపురం విజయవంతం కావాలని కోరుకుంటున్నాను. అన్నారు. దర్శకుడు హరీష్ వట్టికూటి మాట్లాడుతూ.సినిమా సెన్సార్కు సిద్ధంగా ఉంది. త్వరలో సెన్సార్ పూర్తి చేసి జనవరి లేదా ఫిబ్రవరిలో మా చిత్రాన్ని తెరపైకి తీసుకొస్తాం. పవన్ శేష సాయి సంగీతం ఈ చిత్రానికి ప్రధాన ఆకర్షణ అవుతుంది. తన సహకారం అందిస్తున్న రామ్మోహన్ గారికి కృతజ్ఞతలు. అన్నారు.
నిర్మాత పులిమామిడి మోహన్బాబు మాట్లాడుతూ.ఎఫ్డీసీ ఛైర్మన్ రామ్మోహన్రావు గారి చేతుల మీదుగా మా చిత్ర మూడో పాట విడుదల కావడం సంతోషంగా ఉంది. మంచిర్యాలలో చిత్రీకరణ జరుపుకుంటున్న సమయంలో రామ్మోహన్రావు గారి కుటుంబ సభ్యులు ఎంతో సహకారం అందించారు. అన్నారు. ఈ కార్యక్రమంలో పాటల రచయిత చంద్రమౌళి పాల్గొన్నారు.
తాజా వార్తలు
- మెట్రో అమ్మకం పై సీఎం రేవంత్ రెడ్డి కీలక వ్యాఖ్యలు
- హైదరాబాద్ నెహ్రూ జూలాజికల్ పార్క్ లో మగ తెల్లపులి మృత్యువాత
- బయోమెట్రిక్ ఫింగర్ప్రింట్ గడువు పొడిగింపు
- కువైట్ నుండి బయలుదేరిన మెజెస్టి ది సుల్తాన్
- రియల్ ఎస్టేట్ ఏజెంట్లపై కొరడా..7 సంస్థల లైసెన్స్లు సస్పెండ్
- యూఏఈ ఫ్లైట్స్..కొత్త ప్రోటోకాల్ జారీ
- వారంలో 450,000 మంది ప్రజలు రఫా నుండి తరలిపోయారు.. UN
- యూఏఈలో దశల వారీగా జయవాన్ డెబిట్ కార్డ్ల జారీ
- పేటీఎం లైట్ వ్యాలెట్ రోజువారీ లిమిట్ పెరిగిందోచ్..
- సీఎం జగన్ విదేశీ పర్యటనకు సీబీఐ కోర్టు గ్రీన్ సిగ్నల్