మస్కట్‌: ఎమిరేట్స్‌, ఒమన్‌ సిటిజన్స్‌ మరియు రెసిడెంట్స్‌కి డిస్కౌంట్‌ ఫేర్స్‌ని ప్రకటించింది. లిమిటెడ్‌ పీరియడ్‌ ఆఫర్‌తో ప్రయాణీకులకు ఎమిరేట్స్‌ తీపి కబురు అందించింది. జనవరి 22 వరకు టిక్కెట్లు బుక్‌ చేసుకున్నవారు 11 జనవరి నుంచి నవంబర్‌ 30 వరకు డిస్కౌంట్‌ ఫేర్స్‌పై ప్రయాణించేందుకు వీలుగా ఈ ఆఫర్‌ని రూపొందించారు. ఒమన్‌ నుంచి దుబాయ్‌కి 71 ఒమన్‌ రియాల్స్‌, కోల్‌కతాకి 95 ఒమన్‌ రియాల్స్‌, కైరో వెళ్ళాలనుకుంటే 123 ఒమన్‌ రియాల్స్‌, బ్యాంకాక్‌కి 157, మనీలా 165, లండన్‌ 206, న్యూయార్క్‌ 311, లాస్‌ ఏంజిల్స్‌ 348 ధరతో ఎకానమీ క్లాస్‌లో ప్రయాణించొచ్చు. బిజినెస్‌ క్లాస్‌ విషయానికొస్తే దుబాయ్‌కి 257 ఒమన్‌ రియాల్స్‌, కోల్‌కతా 389, కైరో 531, లాస్‌ ఏంజిల్స్‌ 1,641, న్యూయార్క్‌ 1,334 ఒమన్‌ రియాల్స్‌, లండన్‌ 864 ఒమన్‌ రియాల్స్‌ (ఆల్‌ ఇంక్లూజివ్‌) ధరలతో ప్రయాణించడానికి అవకాశముంది.