బంగాళాదుంప లాలీపాప్
- January 17, 2018కావల్సినవి: ఉడికించిన బంగాళాదుంప - ఒకటిన్నర కప్పు, బ్రెడ్పొడి - అరకప్పు, ఉల్లిపాయముక్కలు - పావుకప్పు, కొత్తిమీర తరుగు - రెండు టేబుల్స్పూన్లు, అల్లంవెల్లుల్లి ముద్ద - టేబుల్స్పూను, కారం - పావుచెంచా, ధనియాలపొడి - చెంచా, నిమ్మరసం - అరచెంచా, ఉప్పు - తగినంత. మైదా - రెండు టేబుల్స్పూన్లు, నూనె - వేయించేందుకు సరిపడా, ఐస్క్రీం పుల్లలు - కొన్ని,
తయారీ: ఓ గిన్నెలో మైదా, కాసిని నీళ్లూ తీసుకుని పిండిలా కలిపి పెట్టుకోవాలి. మరో గిన్నెలో ఉడికించిన బంగాళాదుంప తురుమూ, ఉల్లిపాయ ముక్కలూ, కొత్తిమీర తరుగూ, సగం బ్రెడ్పొడీ, అల్లంవెల్లుల్లి ముద్ద, కారం, ధనియాలపొడి, నిమ్మరసం, తగినంత ఉప్పు వేయాలి. అన్నింటినీ బాగా కలిపి చిన్నచిన్న ఉండల్లా చేసుకోవాలి. ఇప్పుడు బాణలిలో నూనె వేడిచేసుకోవాలి. ఒక బంగాళాదుంప ఉండను ఐస్క్రీం పుల్లకు అద్ది, లాలీపాప్ ఆకృతిలో వచ్చేలా చేసి ముందు మైదా మిశ్రమంలో, తరువాత మిగిలిన బ్రెడ్పొడిలో అద్దాలి. ఇలా మిగిలినవీ చేసుకుని రెండుచొప్పున కాగుతోన్న నూనెలో వేసి ఎర్రగా వేయించుకుని తీసుకుంటే సరి.
తాజా వార్తలు
- రెసిడెన్సీ చట్టం ఉల్లంఘన..తనిఖీల్లో పలువురు అరెస్ట్
- అత్యున్నత ప్రపంచ ప్రమాణాలతో ఖతార్ ఏవియేషన్ రంగం..!
- పారిస్ ఒలింపిక్స్ 2024: అట్టహాసంగా ఆరంభ వేడుకలు..
- ఒమన్లో ధూళి తుఫానులు..అలెర్ట్ జారీ
- నవజాత శిశువుల స్క్రీనింగ్.. యూఏఈలో కొత్త మార్గదర్శకాలు
- 'మాస్టర్ ఆఫ్ డవలప్ మెంట్ ఎక్సలెన్స్ అవార్డు-2024'ను సొంతం చేసుకున్న అన్వితా గ్రూప్
- రేపటి భారత క్రీడా షెడ్యూల్ ఇదే..
- మద్యం కుంభకోణంలో జగన్ ను వదిలేది లేదు: మంత్రి కొల్లు రవీంద్ర
- షిర్డీ సాయినాధుని సేవలో ఏపీ గవర్నర్
- ఆసియా కప్: పాక్ పై విజయం…ఫైనల్స్ కు శ్రీలంక