మస్కట్‌: ఎలక్ట్రానిక్స్‌ ఫ్రాడ్‌ కేసులో పోలీసులు 22 మంది వలసదారుల్ని అరెస్ట్‌ చేశారు. వారి నుంచి 60 ఫోన్లను, అలాగే వారు వినియోగిస్తున్న 70 సిమ్‌ కార్డుల్నీ స్వాధీనం చేసుకున్నారు. రాయల్‌ ఒమన్‌ పోలీస్‌ వెల్లడించిన వివరాల ప్రకారం మస్కట్‌లోని క్రిమినల్‌ ఇన్వెస్టిగేషన్‌ డిపార్ట్‌మెంట్‌, అలాగే క్రైమ్‌ ప్రివెన్షన్‌ డిపార్ట్‌మెంట్‌ ఆసియాకి చెందిన 22 మంది వలసదారుల్ని అరెస్ట్‌ చేసినట్లు తెలిసింది. టెలిఫోన్‌ ద్వారా వీరు ఎలక్ట్రానిక్‌ ఫ్రాడ్‌కి పాల్పడినట్లు పోలీసులు వెల్లడించారు. మొబైల్‌ ఫోన్లు, ఇంటర్నెట్‌ ద్వారా జరిగే ఫ్రాడ్స్‌కి సిటిజన్స్‌ దూరంగా ఉండాలనీ, ఎవరికైనా అనుమానం వస్తే వెంటనే తమకు సమాచారం ఇవ్వాలని పోలీసులు సూచించారు.