శంషాబాద్‌:శంషాబాద్‌ విమానాశ్రయంలో పెను ప్రమాదం తప్పింది. ఓ అంతర్జాతీయ విమానంలో ఇంధనం నింపుతుండగా లీక్‌ అయ్యి.. రన్‌వే పై పడింది. దీన్ని గమనించిన ఎయిర్‌పోర్ట్ ఫైర్ సిబ్బంది.. హుటాహుటీన రన్‌ వేను శుభ్రం చేశారు. దీంతో విమానానికి ప్రమాదం తప్పింది. జెడ్డా నుంచి ఇండోనేషియా వెళ్తున్న సిటీలింక్స్‌ ఎయిర్‌లైన్స్ విమానం.. ఇంధనం అయిపోవడంతో.. శంషాబాద్ విమానాశ్రయంలో అత్యవసరంగా ల్యాండ్ అయ్యింది. ఎయిర్‌పోర్ట్‌లోని ఫ్యూయల్ స్టేషన్‌లో ఫిల్ చేస్తుండగా. ఒక్కసారిగా లీక్ అయ్యింది. సిబ్బంది నిర్లక్ష్యంగా కారణంగానే  ఇంధనం లీక్ అయినట్లు అధికారులు గుర్తించారు.